Shorthand ek aisi study hai jisme apko sochne samajne ka waqt nahi milta, ek second bhi apke liye keemti hai shorthand leekhe time.

Apko apne brain ki thinking power increase karni padti hai, kyunki tabhi aap fast dictation leekh payenge, agar apka mind dull hai toh aap shorthand mai peeche hi rahoge.


How to Brain Work During Writing Shorthand

Daily dictation practice ka matlab hai apne brain ki exercise kar rahe ho, tabhi apka mind  fast speed mai run kar raha hai, jiske karan apke hand par proper words aa rahe hai aur aap leekhte jaa rahe ho.

Agar aap daily practice karna band karde toh apke mind ne hi kaam karna band kar dena pir apke hand par proper words nahi aa payenge,  

(According to Nathan Behrin World Fastest Shorthand Writer)


Kaise hum apne mind ki thinking fast kar sakte hai shorthand mai, aisa koi nahi sochta, har kisi ke mind mai bas speed ka darr chupa huya hai?

Yeh speed ayegi kaise yeh shayad koi nahi samajta, speed tabhi ayegi agar mind proper tareeke se work karega shorthand mai.

Slow medium speed par koi bhi stenographer dictation leekh sakta hai like 50 to 60 wpm , usme brain ka zyada use nahi krna padta, kyunki words easily brain ke through hand par aa jate hai.

Agar baat karun fast speed like 100 wpm, 120 wpm, 140 wpm ki tabhi students ko problem aati hai like speed, mistakes, demotivate, nervousness, fear about shorthand etc....... 

Mai apko bataunga ki kaise aap apne brain ko ek sahi direction kaise de sakte hai.



1. Daily Wrong Words Practice


Dictation leekhte waqt bahut se words galat leekhe jaate hai ya phir anjaane mai galat leekhe jaate hai, ya phir hume paane hi nahi aate.

Agar apko agli baar words bilkul correct paane hai 100%, toh apko mind ko sahi direction deni hogi wrong words ki practice karke, tabhi next time aap accurate words leekh payenge.

Agar aap bar bar wohi words galat paa rahe hai toh samaj lijye apka mind hamesha hi us word ko galat hi leekhega, aur ek din yeh apki aadat ban jayegi means apne apne brain ko galat direction dedi hai.

Jiske karan apka brain baar baar shorthand leekhte waqt struck karega, sochega leekhega, mind mai word nahi ayenge, speed nahi banegi etc etc....

Isliye galat words ko us din hi practice karke theek kar lijiye taki apki agli baar mistake naa ho.

Agli baar dictation leekhte time apka mind bilkul theek work karega, aur aisa karte karte apka mind ki thinking fast ho jayegi.... aap pehle se kam mistake karne lag jayenge. Yaa phir karenge hi nahi bilkul bhi. 


2. Avoid Negativity


Shorthand ka negativity ke saath koi sambandh nahi hai, agar apko 1% bhi confusion hai job ke lekar, shorthand ko lekar toh aaj hi apni negativity door karde.


Negativity brain par bura asar daalti hai jiski wajah se student daily shorthand practice nahi karta, aur daily yehi sochta hai ki kya mujhe kabhi nokri milegi, kya govt. job niklegi, sarkar ne kuch nahi karna, speed banegi, accuracy ayegi, kabhi apni shorthand read kar paunga......etc.etc......


Aap shorthand par focus rakhe bas, nokri jab milni hogi apko mil jayegi, aap bas apne hunar mai perfect rahe....

Negativity ko alvida kehde, kyunki negativity apko success nahi dilwa sakti.


3. Always Focus on Shorthand Copy


Dictation leekhte time apka focus copy par hi hona chahiye, yeh nahi ki aap soch kuch aur rahe hai aur outline kuch aur paa rahe hai.

Baad mai galti nikaal rahe hai apko kuch suna nahi, thodi si sochne ki disturbance apke brain ko directionless kar sakti hai.

Isliye hamesha shorthand copy par focus rakhe, dictation leekhne se pehle yehi soche ki jo hoga aacha hai hoga, shorthand mere liye kuch nahi hai, sab easy hai............ 

Jab aap yeh sochlenge toh apke brain mai se darr nikal jayega aur easily free mind shorthand leekh lenge.


Agar copy par focus nahi hai toh brain ka bhi focus kahin aur hi hoga..... 

( According to Martin Dupraw Fastest Shorthand Writer )


4.  Brain Remember the Words during Writing Shorthand.


Agar apke mind ki thinking bahut fast hai toh aap easily shorthand leekhte waqt words ko yaad bhi rakh sakte hai , dictator ne kon sa words bola tha.

Iske liye apko daily bilkul waise hi practice karni hogi... like aap recording mai se dictation leekh rahe hai, aap jaan puch kar dictation leekhte waqt kuch words miss karde aur dictation khatam hone ke baad theek wahan jaye jahan word nahi leekh paye.

Aap apne brain par focus kare dekhke ki apko word yaad aata hai, apko word pehli baar mai nahi yaad ayega, par agar aap lagatar koshish kare toh aap yakeenan aisa kar sakte hai.

Dictation leekhte waqt jo words reh gaye hai unhe aap aise hi daily ek special practice karke, mind par focus karke yaad rakh sakte hai.

America, mai jo dull brain stenographer they unpar yeh experiment kiya geya tha, aur unhe daily aise hi practice karvayi jati hai, aur unhe kuch months baad dekha ki woh pehle se kamaal ki shorthand leekh rahe hai.

Aur jo words reh jaate they woh unhe bhi theek kar lete they. Bas apko apne brain ko sahi direction deni hogi, phir apka brain apke according hi chalega.


5.  Increase Shorthand Words Vocabulary As much As Possible


Ek baat 100% clear hai ki aap jitna shorthand vocabulary ko increase karte jayenge utne hi apke success hone ke chances badte jayenge.

Aap jitni steno words brain mai feed karte jaoge uske according hi aap shorthand leekh paaoge.

Isliye kabhi bhi shorthand mai koi yeh naa kahe ki mujhe shorthand complete aati hai, shorthand kabhi bhi kisi ko poori aa hi nahi sakti... kyunki words ka koi end nahi hai... naa hi hoga..

Isliye brain mai jitne words ho sake feed karte jaaye, new dictations, new words... daily practice karte jaye, iske saath apka confidence level high hota jayega.

Aap daily shorthand mai kuch new seekh rahe hai, aap pehle se aacha kar rahe hai, apko koi nahi rok sakta... apko apni kismat badalni hai..

Practice karke, words practice karke, dictation practice karke........

Jab aap day by day, month by month, year by year aisa karte jayenge, apni galtiyon se seekhte jayenge... toh aap 100% success ho jayenge.....


Conclusion


Hamesha apne brain ko sahi direction de bilkul positive, apke mind mai shorthand ko lekar koi bhi shanka, kintu-prantu nahi honi chahiye.

Isme mehnat kitni hai yeh apko batana ki shayad zarurat nahi hai, mehnat karne se peeche naa hate kabhi bhi.....

Apko job milni hi milni hai, apko koi nahi rok sakta, aap bas chalte jaye....


Also Read:

Shorthand mai Perfect Kaise Bane

Punjabi & English Shorthand ke Fayde

Steno Notebook Par Kaise Leekhe


Aap yeh article apne steno friends ko bhi share kare, taki unhe bhi aachi knowledge mil sake.

Post a Comment

Previous Post Next Post