Benefits of Punjabi & English Shorthand in Punjab

Benefits of Punjabi & English Shorthand in Punjab jee haan mai aaj apko iske benefits ke baare mai knowledge dene wala hoon.

Waise toh kafi jo steno karte hai students unko pata bhi ho magar 50% students ko iske baare mai nahi pata hota ki dono shorthand seekhne ka kya benefit hai Punjab Government mai.

Jab mai shorthand ko karta tha mujhe bhi iske baare mai knowledge nahi thi , mai sochta tha ki ek karlo , dusri seekh kar kya fayda hoga.

Par jab mujhe iske baare mai pata chala toh maine dono seekhni shuru kar di, aur sach maano isme mujhe koi bhi difficulty mehsoos nahi huyi.

Kafi students only English Shorthand krke only Court mai Govt. job kar lete hai par unki personal life disturb ho jati hai kyunki Court mai workload zyada hota hai, agar apko Punjab Govt. mai job leni hai toh apko Punjabi & English Shorthand ko seekhna hoga.

Benefits of Punjabi & English Shorthand 

English Shorthand

Sabse pehle hum shorthand ko shuru karte hai yeh koi bhi ho sakti hai English ya Punjabi. Us waqt jaise jaise teacher kehta hai hum theek waise hi karte hai.


Agar kisi teacher ko only ek shorthand ka experience hai toh woh apko only ek ki hi guidance provide karega. 

Hum Pitman ki book shuru kar lete hai aur hum slowly slowly shorthand ko seekhte rehte hai. 

Jaise Pitman book khatam hoti hai aap phir speed par aa jaate hai aur apko phir dusri shorthand karne ke liye time nahi milta. ..

kyunki aap ek ke piche yeh bhool jaate hai ki hum kisi aur teacher se dusri shorthand bhi seekh sakte hai.

Apne English shorthand shuru ki hai toh apko only Job , Private Sector ya phir District Court, High Court mai hi Govt. Job milegi.

English shorthand ka scope only District Courts and High Courts mai hi hai.

Agar apka mind set hai ki apne only Court mai hi nokri karni hai toh mai apko kahunga ki aap bilkul sahi jaa rahe hai, uska reason yeh hai ki apko agey jakar koi dubara paper pass nahi karna pedga... Punjab Govt. Department ki tarah.


Agar aapne Court mai lagne ke baad mind change kar liya ke nhi Court mai workload bahut hai, Judge chutti nahi de reha.. toh mai kahunga ki aap phir galat jaa rahe hai.

Kyunki yeh hum tab nahi sochte jab humko nahi pata hota , jab hamare saath yeh sab hota hai tab hamare mind mai yeh aata hai ki kaash mai punjabi shorthand bhi seekh leta toh mai bhi aaj  Punjab Govt. mai kisi aache department mai nokri kar raha hota.......

Mai niche kuch Advantages and Disadvantages bata raha hoon Court mai job karne ke.


Advantage in Court

• Apko Judge ke Saath lagaya jata hai.
• Apki respect hoti hai
• Apki position high ho jati hai
• Apki jaan pehchaan bahut ban jati hai
• Apko promotion lene ke liye dubara paper pass karne ki zarurat nahi hai, jaise Punjab Govt. Department mai hota hai.

Disadvantage in Court

• One Month mai only Second and Fourth Saturday holiday hota hai.
• Court Holiday Punjab Govt. Holiday jaise nahi hote.
• Jaldi Jaldi Chutti nahi milti
• Workload zyada hai
• Aap jaldi jaldi transfer nahi kara sakte
• Aap kaam khatam kiye bina ghar nahi jaa sakte

Punjabi Shorthand

Punjab Govt. mai punjabi Steno-Typist job lene ke liye apko Punjabi shorthand aani bahut zaruri hai, iske bina aap steno ki nokri nahi lag sakte.

Jab hum Punjabi steno ko shuru karte hai toh hume english shorthand ki koi knowledge nahi hoti... kyunki hamara mind punjabi shorthand ki taraf hota hai isse jaldi jaldi seekh kar job lagni hai.

Punjabi steno seekhne ke baad jo Punjab Govt. mai Steno Typist lagte hai unko Promotion lene ke liye English Shorthand ko seekhna hi padega, kyunki Junior Scale Stenographer mai dono ki demand hai.

Jab apko yeh sab pata chalta hai toh aap accha feel nahi karte, tab apke mind mai yeh aata hai ki kaash hum  pehle hi dono seekh lete.

Tab aap sochte hai ki kaash hum dono shorthand seekh lete, maine bahut se students aise dekhe hai jo promotion hi nahi le paate kyunki unse dono test nahi pass hote aur woh sari zindagi steno-typist hi reh jate hai.

Agar aap punjabi shorthand ke saath saath english shorthand bhi seekhle toh aap Punjab Govt. mai Junior Scale Stenographer ya Senior Scale Stenographer lag sakte hai.

Aap Direct bhi Junior ya phir Senior Steno lag sakte hai aisa karke aap sidha hi higher post par jayenge aur Steno-Typist se takreeban 5 years agey honge.

Apko wohi coaching centre mai jana chahiye jahan par teacher ko dono shorthand ki aache knowledge ho.

Agar aisa ho jata toh khush kismat honge ki apko aisa teacher milaa.

Isliye meri suggestion apko yehi hai ki aap English Shorthand khatam karne ke baad Punjabi Shorthand ko seekhna shuru karde.

Advantage in Punjab Govt.

• Apko month mai Saturday and Sunday Holiday hoga.
• Apko kisi bhi time chuti mil sakti hai koi problem nahi
• Apko Department mai poori respect hogi
• Apko Officer ke saath lagaya jayega
• Aap transfer bhi kara sakte hai agar department hai toh.
• Apko Punjab Govt. ki baki holidays bhi provide honge
• Workload bahut kam hai
• Apki Personal life bhi aachi hogi
• Aap 9 waje aake easily 5 waje jaa sakte hai, kabhi kabhi overtime hota hai

Disadvantage in Punjab Govt.

• Salary kai baar late milti hai
• Apko Promotion ke liye dubara test pass karna hoga tabhi aap junior scale ya senior scale steno ban sakte hai.
• Apko promotion ke liye English shorthand bhi seekhni padegi

Aise bahut saare students hai jo sochte hai ki humse dono nahi ho payengi, mai kahunga aisa kuch nahi hai agar aap ek kar sakte hai toh dusri bhi kar sakte hai.

Aap apne ek kadam bada kar toh dekhiye aap dono shorthand hi easy lagne lag jayengi.


Maine apko details mai guide kar diya hai ki English and Punjabi steno ke kya kya benefits hai Punjab Govt. mai.