Shorthand paper dene ke baad shorthand reading, proof reading & spelling mistake check karni kitni zaruri hai ye toh sabhi steno students jaante hai, par ise seriously koi hi leta hai.
Jab hum shorthand dictation 100% accurate leekh lete hai toh hamare mind mai jaldi jaldi bas type karne ki hoti hai, yeh samajlo ki bas exam dekar hame room se bahar nikal jaye aur bahar jakar yeh kahe ki paper bahut aacha hua hai.
Par shorthand paper mai sabse main point shorthand reading, typing and proof reading hi hota hai. Ki aapne jo bhi dictation mai aur uske baad type kiya hai, kya woh apne read kiya hai? agar nahi kiya toh mai surety ke saath ke sakta hoon apki mistake reh gayi hongi.
Kyunki maine bhi mostly shorthand papers mai aisa hi kiya hai.... mai apko details mai explain karta hoon ki apko kaise kya karna chahiye.
#1. Shorthand Reading Zarur Kare
Shorthand leekhne ke baad ek dum hi apni shorthand paragraph ko read karna apko benefit deta hai, kyunki us waqt apke mind mai words fresh hote hai aur apko yaad bhi hote hai.
Agar leekhte time koi word reh bhi geya ho toh woh bhi aap reading waqt leekh lete hai. Exam time shorthand leekhne ke turant baad hi read zarur kare.
Aur jahan bhi apko word yaad aaye wahan word leekhle agar naa yaad aye toh ek circle ya phir underline laga le taki agar apko baad mai yaad aye toh apko pata ho yahan koi word tha jo leekhna reh geya tha.
Agar bilkul hi naa yaad aye toh use sochne rehne mai apna time naa kharab kare, apke paas exam mai time limited hi hota hai.
#2. Spelling Mistake
90% students shorthand exam mai spelling mistakes ke karan hi fail hote hai, kyunki unko spelling ki zyada practice aur knowledge nahi ki hoti.
Maine hmesha se yehi kaha hai ki shorthand leekhne ke baad spelling zarur check kare, agar exam mai spelling hi galat honge toh aap stenographer nahi ban sakte.
Meri ek known pichle 7 saal se steno kar rahi hai uski shorthand kamaal ki hai, woh shorthand ko bahut hi jaldi read kar lete hai.
Par jab baat aati hai spelling ki toh woh usme maar khaa jati hai, kam se kam uski paper mai 80 spelling mistakes aati hai.
Jiski wajah se woh aaj tak stenographer nahi ban payi, aur apni kismat, bhagwan, duniya ko dosh deti rehti hai.
Students aksar shorthand leekh kar yehi kehte milenge.....
1. Spelling check karke kya karna hai
2. Mujhe sab kuch aata hai
3. Exam mai bas speed zaruri hai woh karlenge
4. 32 galtiyan tak toh maaf hai, kya spelling dekhne
Spelling mistake ke wajah se jab aap merit mai peeche reh jaate hai toh apko bahut afsos hota hai, ki maine us time kyu nahi dekha, isliye mai baar bar keh raha hoon aap exam mai spelling bahut hi safai se type kare.
#3. Type ke Baad Paragraph Match Kare
Steno Exam mai jab hum dictation leekh kar aur uske baad typing bhi poori kar lete hai, toh uske baad hum beth kar idhar udhar dekhna shuru kar dete hai kyunki hamare mind mai hota hai paper poora ho geya.
Par aap yeh nahi keh sakte ki paper 100% accurate hi hua hai, kyunki apne jo bhi type kiya hai uski proof reading hi nahi ki.
Jab bhi paper ko type karle aur uske baad jo bhi type kiya hai usko apni leekhi huyi shorthand ke saath match kare.
Aur jo bhi computer screen par type kiya hai uski spelling mistakes check kare ki humne bilkul theek type kiya hai.
Agar aap aisa karenge toh apki koi na koi mistake toh nikal hi ayegi, kyunki 90% students shorthand exam type karne ke baad kabhi bhi proof reading nahi karte aur baad mai mistakes aane ke karan fail ho jaate hai.
Proof reading ke karan apki mistakes bach sakti hai aur apki mehnat bhi rang laati hai.
Post a Comment