Shorthand Questions & Answers

Shorthand Students ko daily hi kisi na kisi type ki problem aati hi rehti hai steno ko lekar.

Stenographer ke mind mai kuch na kuch chalta hi rehta hai shorthand ko lekar, jisme yeh points aate hai like speed, accuracy, practice, notebook, hesitation, nervousness, hand hesitation, steno job, steno fees & much more.....

Aaj mai apke sare questions ke answers dene wala hoon jo mujhe roh poore India mai se e-mail karke puche jaate hai.

Apne knowledge ke according mai apko har point describe karke explain karunga taki apko kisi bhi topic mai pareshaan naa ho sake.

Toh chaliye shuru karte hai questions apke aur answers mere. 

1. Shorthand Speed Increase Kaise Kare ?

One paragraph ko kam se kam 10-15 time practice kare aur uske baad same paragraph ki tab tak dictation lete rahe jab tak aap usme perfection hasil nahi kar lete.

Means, ek paragraph ko bar bar practice kare written mai bhi aur dictation karke bhi.

2. Steno kis par leekhe Notebook ya Register ?

Shorthand ko hamesha steno notebook par hi leekhe kyunki steno notebook ki lines Register se alag hoti hai aur iski lines mai fark hota hai.

Yeh specially shorthand leekhne ke liye hi bani hai, Aap Register par only practice hi kare. Par jab dictation leekhni ho toh only steno notebook hi use kare.

Shorthand Notebook Video

3. Shorthand mai kitni Speed Increase Kar Sakte hai ?

Shorthand mai aap chahe jitni marzi speed gain kar sakte hai, woh apke upar depend karta hai ki aap shorthand mai kitni mehnat, lagan kar rahe hai.

Speed gain karne ki koi limit nahi hai par usually aap test ke according hi practice kare agar apne 80 par test fill kiya hai toh 90 par practice kare.

100 wpm ka fill kiya hai toh 120 wpm par practice kare. Agar apko Reporter banna hai toh same as double practice kare. 

Means ki apki speed dictator se 10% zyada hi honi chahiye.

4. Shorthand Speed Kyu nahi Ban paati ?

Speed naa banne ka reason neche leekhe hai

• Shorthand mai interest naa hona
• Faltu ka zyada sochna
• Concentration naa hona
• Lazy hona
• Practice bahut kam karna
• Pen ko tightly pakadna
• Shorthand ko over confidence mai lena
• Mann par control naa rehna
• Daily speed practice naa karna
• Ek hi speed par practice karte rehna
• Outlines ki proper practice naa krna
• Dictation mai bar bar jerk marna
• Apne hand ki movement ko force naa karna
• Dictation concentration se naa leekhna
• Apne aap par confidence naa hona
• Phraseography use naa karna
• Salary ke baare mai zyada aur shorthand mai kam sochna
• Social Networking par time waster karna
• Jaldi himmat haar jana
• Phir se paragraph leekhne ki koshish naa karna
• Dictation ko mazak mai lena
• Shorthand copy ko thighs/bed/zameen par rakh ke leekhna
• Shorthand leekhte waqt kahin aur sochna lagna
• Difficult paragraph dekh kar shorthand copy close kar dena
• Vocabulary increase naa karna

ਅਸਧਾਰਨ ਮੌਕਿਆਂ ਦੀ ਉਡੀਕ ਨਾ ਕਰੋ. ਆਮ ਮੌਕਿਆਂ ਨੂੰ ਫੜੋ ਅਤੇ ਉਨ੍ਹਾਂ ਨੂੰ ਵਧੀਆ ਬਣਾਓ. ਕਮਜ਼ੋਰ ਆਦਮੀ ਮੌਕਿਆਂ ਦੀ ਉਡੀਕ ਕਰਦੇ ਹਨ; ਮਜ਼ਬੂਤ ​​ਆਦਮੀ ਉਨ੍ਹਾਂ ਨੂੰ ਬਣਾਉਂਦੇ ਹਨ.

5.  Dictation kitni speed par leekhe ?

Hamesha dictation pehle apni normal speed par leekhe taki paragraph ko aache tarah se leekha jaye. Uske baad slowly slowly speed ko increase karte jaye.

Like → 70 wpm , 80 wpm , 90 wpm, 100 wpm, 110 wpm ........

6. Dictation ke liye kon sa paragraph choose kare ?

Normally dictation newspaper and books mai se hi boli jati hai. Agar aap punjabi shorthand kar rahe hai toh aap Ajit and Punjabi Tribune mai se practice kare sufficient hai.

Uske Ilawa aap Punjabi shorthand books mai se dictation practice kar sakte hai.

English shorthand students The Tribune newspaper, Shorthand Books, Court Judgments and Magazines mai se practice kare sufficient hai apke liye.

Iske ilawa apko aur kuch bhi karne ki zaruat nahi hai aap easily stenographer ban jayenge.

7.  Punjabi Reporter & English Reporter practice kahan se kare ?

Reporter banne ke liye aap only Vidhan Sabha debates mai se hi practice kare, kyunki Vidhan Sabha mai only debates hi boli jati hai.

Debates apko easily Vidhan Sabha ki website par mil jayegi usko download karke aap apne speed ke according practice kar sakte hai.

Debates mai se marking karke aap apne according practice kar sakte hai, aap chahe toh jitni speed gain karni hai kar sakte hai.

8. Nervous & Hesitation Kyu hoti hai shorthand leekhte huye ?

Nervouness & Hesitation ka main reason hai darr, low confidence and negative thoughts apne mind mai laana.

Jab apke mind mai yeh sab kuch aane lagta hai toh aap easily apne level low kar dete hai aur shorthand nahi leekh paate.

Hamesha shorthand ko present mai soch kar hi leekhe, yeh mat soche ki job milegi ya nahi, kal kya hogaa, mai stenographer kab banuga etc.... bahut lambi list hai iski.

Hamesha shorthand ko concentration mai leekhe, bas apki life ka focus hona chahiye ki mujhe stenographer banna hai.

Aur apne life set karni hai , mere paas iske ilawa aur kuch nahi karne ko, mai bas steno hi kar sakta hoon.

Tab jakar aap apne darr par kaboo paa sakte hai.

ਸੁਨਹਿਰੀ ਮੌਕਾ ਜਿਸ ਦੀ ਤੁਸੀਂ ਭਾਲ ਕਰ ਰਹੇ ਹੋ ਆਪਣੇ ਆਪ ਵਿਚ ਹੈ. ਇਹ ਤੁਹਾਡੇ ਵਾਤਾਵਰਣ ਵਿੱਚ ਨਹੀਂ ਹੈ; ਇਹ ਕਿਸਮਤ ਜਾਂ ਮੌਕਾ ਜਾਂ ਦੂਜਿਆਂ ਦੀ ਸਹਾਇਤਾ ਵਿੱਚ ਨਹੀਂ ਹੈ; ਇਹ ਇਕੱਲੇ ਆਪਣੇ ਆਪ ਵਿਚ ਹੈ.

 

9. Kya Stenographer ki job khatam ho rahi hai ?

Aisa sochna aur aisa kehna bevkoofi hai aur kuch bhi nahi hai. Mai apko ek baat clear kardu ki stenographer ki jagah koi bhi machine nahi le sakti.

Isliye jo yeh sochte hai ki stenographer ka ab koi scope nahi hai government sector mai toh yeh unki bhool hai.

Jab maine shorthand shuru ki thi toh mere relatives bhi mujhe yehi kehte they. Isliye kisi unknown person ki baat par naa dhyan dete huye steno ko continue rakhe.

Apko apna career bannna hai na ki rumours ki taraf dhyan. Steno ki job Government sector mai kabhi bhi khatam nahi ho sakti.

10. Punjabi Stenography Course/admission Kahan se kare ?

Punjabi Stenography course aap Bhasha Vibhag ya phir kisi private institute mai se kar sakte hai. Ek baat clear kardu ki Bhasha Vibhag mai only Bhasha Vibhag shorthand book hi apko seekhayi jayegi.

Aap apne nazdeek Bhasha Vibhag office mai jakar iske baare mai jankar le sakte hai.

11. Punjabi Shorthand Kon se seekhni chahiye ?

Punjab mai 3 shorthand books chalti hai, Late Sardar Rajinder Singh, Sardar Karar Singh & Bhasha Vibhagh Book

Aap 3 mai se koi bhi ek book kar sakte hai sabhi books aachi hai. Yeh yaad rahe ki ek book shuru karli toh phir kisi aur book ki taraf dekhiye bhi matt.

Kyunki sabhi books ke alag alag pattern hai isalyi soch samaj kar hi decision le

Mai apko Sardar Kartar Singh ki Book prefer karunga. Kyunki ise seekh kar aap bahut hi jaldi high speed par aa jayenge.

12. Shorthand Speed Secret Kya Hai ?

Shorthand ka speed secret kuch nahi hai, jo apko aise baat kehta hai samajlo ki woh apko bevkook bana raha hai.

Maine apne artcile mai Mastery of Shorthand mai Foreign writer ki shorthand speed practice secrets mention kiye hai.

Article ko read karke aap unke baare mai jaan sakte hai ki woh kaise aur kitni practice karte they.

I hope ki yeh apki shorthand ke liye helpful sabit hoga.

13. Shorthand Speed practice kitni karni chahiye ?

Mere according shorthand practice kam se kam 5 hourse toh karni chahiye. Bahut students toh isse bhi zyada karte hai.

Yeh students ki mehnat, lagan ke upar depend karta hai jo jitna hard work karta hai use jaldi hi success mil jati hai.

Bas aap jo bhi practice kar rahe hai woh bilkul 100% sahi honi chahiye. Agar aap speed practice ke chakr mai words galat paa rahe hai toh woh practice kisi kaam ki nahi hai.

Written practice , words practice, mistake practice, dictation practice yeh sabhi kuch apko manage krna hoga. Yeh sab kuch apke upar depend karta hai aap inme kitni perfection hasil karte hai.

14. Shorthand Pen se leekhe ya Pencil se ?

Shorthand ko hamesha pen se hi leekhna chahiye. Pen se apki speed aur accuracy increase hoti hai.

Pen apko smoothness, clear dots provide karta hai. Speed increase karne ke liye apko hamesha pen se hi shorthand ko leekhna chahiye.

Competition mai Pencil ka sikka tutne ka darr hamesha bana rehta hai, agar tutt geya toh sari game khatam aur aap fail ho jayenge.

15. Shorthand Recording Kis se Kare ?

Shorthand Dictation recording aap apne mobile phone mai se kar sakte hai. Ya phir Mic bhi purchase kar sakte hai.

Google play store par bahut se recording apps pade hai aap wahaj jakar recording software download karke dictation recording karke practice kar sakte hai.

16. Shorthand Recording kaise Kare ?

Shorthand recording karne se pehle paragraph ko mark karle jo apki normal speed hai.

Uske baad paragraphy leekhle agar apse paragraph sahi leekha geya toh uske baad phir se paragarph ko high speed par mark karle

Aise hi daily paragraph mark karke dictation record kar sakte hai. Paragraph ko kaise mark karna hai woh article maine website par already provide provide kiya huya hai.

17. Shorthand Exam mai Kahan Par Seat Le ?

Shorthand exam mai aap hamesha dictator ke bilkul opposite seat par hi bethe. Wahan par apko uski sound clear sunai degi.

Agar apko koi bhi dikkat hai toh aap usi time khade hokar apni baat keh sakte hai aur agar woh phir bhi naa mane toh aap apne batch change kar sakte hai.

Kyunki yeh apki life ka swaal hai, unka kuch nahi jayega par apki mehnat par pani phir sakta hai.

Islayi hamesha dictator se bilkul opposite ya phir nazdeek wali seat hi le.

18. Punjabi Shorthand Mai kon sa font use hota hai ?

Agar aap PSSSB ki tayari kar rahe hai toh 99% test typewriter machine par hi hoga. Aur agar aap punjabi mai aur kisi department ki tyari kar rahe ho toh test Raavi font par hoga.

Apko ek time par ek hi typewriting seekhni hogi, Agar apne PSSB department mai jana hai toh Asses typing agar apko punjab ke kisi aur department mai jana hai toh test computer par hoga Raavi seekh sakte hai.

Kisi kisi department mai toh dono hi use kar sakte hai, woh apni advertisement mai mention karte hai pehle hi.

19. Scope of Shorthand ?

Shorthand ka scope bahut hai par iski demand kam hai. Kehne ka matlab yeh hai ki shorthand ko ab bhi 100 mai se only 50% students hi karte honge.

Means ki apke jobs lagne ke chance zyada hai, agar aap Punjab Departments mai job nahi karna chahte toh aap Court Steno, SSC Stenographer, UPSC Stenographer mai apna career bana sakte hai.

Par iske liye apko shorthand ke saath saath written exam bhi pass karna hoga tabhi aap SSC ya UPSC mai stenographer lag sakte ho.

Difficult kuch bhi nahi hai bas ek baar apne koshish karli toh apko sab kuch easy lagne lag jayega.

Aap peechle 10 saal ka result dekhle chahe woh koi bhi field ho steno se related lakho students ne apna carrer stenographer mai banaya hai.

Jisne ek baar yeh soch liya steno hi banna hai toh ose phir job lene se koi nahi rok sakta.

20. Steno Jobs in Private Sector ?

Bahut se students ka yeh myth hai ki steno ki private jobs mai demand nahi hai. Mai kahunga bahut demand hai meri kitni hi friends private jobs mai steno lage huye hai aur Govt. Department se aachi income le rahe hai.

Steno ki jobs Canada, America, Australia countries mai bhi valid hai. Aap apne mind mai se yeh baat nikalde ki steno only govt. department mai lagta hai.

Steno job private sector mai bhi hai aur bahi hi aacha salary package hai. 

Kyunki har officer ko apne liye ek Steno ya phir PA ki need toh hoti hai, isiliye woh steno ko recommend karte hai.

Maine khud ek private firm mai as a stenographer job ki huyi hai. 

Aap part time steno jobs bhi private firm mai kar sakte hai like advocate ke saath.

21.  Pitman Shorthand Kare ya Gregg Shorthand ?

Agar apko english shorthand mai apna career banna hai toh mai apko Pitman Shorthand recommend karunga,  kyunki yeh maine khud seekhi huyi hai.

Pitman shorthand ko dekhkar hi Punjabi Shorthand bani hai. Isliye jisne Pitman English Shorthand kar rakhi hai uske Punjabi shorthand seekhna koi badi baat nahi  hai.

Gregg Shorthand America and UK mai bahut use hoti hai, isliye yeh India mai itni nahi chalti, kyunki iske symbols bilkul alag hai Pitman Shorthand se.

22. Steno Kitne Time mai seekh Sakte hai ?

Har students shorthand shuru karne se pehle yeh baat toh puchta hai hai. Mai kahunga aap pehle shorthand ko shuru toh kare time ki baat baad mai kare.

Jo shorthand ko shuru karta hai kam se kam usko 6 -9 months toh seekhne mai lag hi jate hai.

Agar apka mind sharp hai toh aap jaldi bhi seekh sakte hai aur bahut hi jaldi speed practice par aa sakte hai.

Apna focus hamesha Shorthand basic ko cover karne mai lagaye jisne shorthand basic ko apne mind mai fit kar liye toh shorthand uske liye kuch nahi hai.

Apko phir sab kuch easy lagne lag jayega aur apka isme interest bhi incease hoga.

23. Steno Seekhne ki Fees Kitni Hai ?

Steno seekhne ki fees alag alag steno institutions par depend karti hai , koi 500 leta hai month ka toh koi 800 ya 1000 tak.

Bahut se logo ne toh ise business hi bana rakha hai students par dhyan kam aur apne monthly income par zyda focus karte hai.

Bahut se institutions ne toh students ke saath contract kar lete hai ki jab tu job lag jayega uski 3 months ki salary mujhe deni hogi.

Mai aap kahunga ki aap steno kahin bhi se seekhe par apne paise ka poora poora fayda uthaye, agar koi bhi dikkat aati hai toh aap hame contact kar sakte hai.

24. Kya mai Stenographer Ban Sakta Hoon ?

Yes, aap stenographer ban sakte hai, apko banne se kon rok raha hai, kisne apke haath pakde hai, kisne apki zindagi ko roka hai, kisne apko kaha hai ki aap nahi ban sakte etc...etc..

Aap yakeenan stenographer ban skte hai bas apko lagatar mehnat karni hogi aur apne aap par vishwas rakhna hoga.

Aur aisa karte karte aap ek din Stenographer ban jayenge.

25. Govt. Department mai Steno Kya Kaam Karta Hai ?

Govt. Departments mai steno ko officer ke saath lagaya jata hai. Office ne koi letter leekhwani hai ya file noting leekhwani hai aur miscellaneous letter work bhi steno se karvaya jata hai.

Steno ki job clerk se easy hoti hai aur steno ka rutba bhi clerk se zyda hota hai.

Steno ka direct link Officer ke saath hota hai, toh aap yehi se andaze laga sakte hai ki Steno, PA, PS , Private Secretary ki kitni power hogi.

26. Shorthand Dictation Difficult Kare Ya Easy ?

70% students easy dictations ko prefer karte hai kyunki unko inme zyada mehnat nahi karni padti, words bhi easy pad jate hai.

Par jab aap difficult dictations karne lagte hai, hard words ko cover karna shuru kar dete hai toh , easy dictation apke liye kuch nahi reh jaati.

Iska ek example mai apko Late Sardar Rajinder Singh and Sardar Kartar Singh MA Books ka de sakta hoon.

Late Sardar Rajinder Singh Books mai dictations paragraph easy hai as compare to Sardar Kartar Singh ke mukable mai, kyunki Kartar Singh MA ki books mai paragraphs difficult hai.

Jisne  Sardar Kartar Singh Book pehle hi ki hui hai unko Sardar Rajinder singh ke shorthand paragraphs bahut hi easy lagenge.

27. Unseen Shorthand Paragraph Kaise Leekhe?

Unseen Dictation first time leekhne mai difficult zarur ho sakti hai, par namumkin ya impossible kuch bhi nahi hai.

Apne shorthand mai ab tak jo bhi dictations ki practice ki hai, woh bhi toh aap leekh hi rahe hai, kyunki unseen paragraph mai yeh kabhi nahi hota ki 400 words mai se apko kuch bhi naa leekhna aata ho.

Unseen paragraph apko first time difficult zarur lag saka hai, par jab ap practice karke second time leekhenge toh apke liye woh easy ho jayega.

Aise bar bar practice karke apko unseen paragraph leekhne ki aadat pad jayegi, kyuni shuruwat aise hi hoti hai.

Ab aap soch rahe honge ki agar steno paper/exam mai koi aisa paragraph aa jaye jo humne practice naa kiya ho toh kya kare.

Simple jo words apko nahi pane aate aap ose chor sakte hai, yeh nahi ki aap us words ke chakar mai apni sari dictation hi kharab karle.

Zyada se zyda kya hoga aap fail ho jayenge koi baat nahi, phir se koshish kare, koshish aur mehnat kar kar ke aap ek din kamyab ho jayenge.

Isliye agar aap unseen dictation ko perfectly karna chahte hai toh aap apni vocabulary increase kare, itne increase karle ki koi bhi word aa jaye apko uski outline paani aati ho aur apka basic bhi clear ho dictation time.

28. Steno exam mai paragraph banaya chahiye ?

Yes, steno exam mai agar dictation apko paragraph banane ko bol raha hai toh apko type karte waqt bhi para banana hai. Agar punjabi steno exam mai 2.30 dictation bolne ke baad.

Jab dusri bari dictation shuru karte hai toh apko paragraph banana hai, agar nahi banaoge toh apki one mistake ho jayegi.

Isliye hamesha is baat ka dhyan rakhe ki apko agar paper mai 2 paragraphs alag alag bole gaye hai 2.30 - 2.30 minute mai toh apko para banana hai.

29.  Delhi district court steno vacancies mai kitni speed boli jati hai.?

English shorthand dictation Delhi district court exam mai 80 wpm ki speed se dictation boli jati hai.

Maine apni taraf se har point ko cover karne ki koshish ki hai. Agar apka koi bhi question hai toh neeche comment kar sakte hai ya phir e-mail kar sakte hai. Apke har sawaal ka jawab diya jayega.