Why Do You Want to Become A Stenographer?

Stenographer banne se pehle apna WHY clear hona bahut zaruri hai?

• Apko Stenographer kyu banna hai?
• Agar ek baar apne steno shuru kar di kya aap 100% dene ko ready hai?
• Aap Steno banne ke liye life mai kitne sacrifice kar sakte hai?
• Aap kyu Steno Govt. Job lena chahte hai?
• Agar Aap steno nahi ban paate toh uske reasons kya hai?
• Kya  aap steno banne ke liye 10,20,30,40,50 baar fail hone ke liye tayar hai?
• Kya aap kisi ke kehne se steno kar rahe hai?
• Kya apki Steno aur knowledge ko koi samaj paya hai?
• Kya aap Steno ke prati imaandar hai?
• Kya Steno mai aap daily apni choti se choti mistake nikaal rahe hai?
• Kyaa aap daily dictations and practice ke liye ready hai?
• Kyaa aap kisi ke chakar mai aakar toh nhi steno kr rahe?
• Agar aap steno nhi ban paye toh apke pass koi dusra raasta hai.
• Agar aap aap Steno nhi ban paate toh apke pass 35,000-40,000 tak monthly income kahin se kama sakte hai?

Agar apke upar diye saare points clear hai toh mai apko kahunga aap Stenographer banne ke liye 100% tayar hai.

Brief Describe

Shorthand ek art hai jo ek din mai nhi aati, iske liye apko kaafi saal mehnat karni padti hai, tab jaakar apko success hath lagti hai. 

Har Shorthand Student success toh hona chahta hai, par uske liye  fail hone ko woh ready nhi hai, woh apni life mai bas ek side hi dekhta hai Success, failure ko toh woh ek taraf kar deta hai. Fail ke baar mai soch kar bhi ose darr lagta hai.

Fail ko woh aise dekhta hai jaise ki uski life hi khatam ho gayi ho.

Par Shorthand Students 99.99% actual mai sabse pehle fail hi hote hai, jab  aap apne failure se seekhta hai tab jakar uske haath success lagti hai... tab woh stenographer banta hai.

Agar koi student pehli baar mai steno paper karke Govt. job lag geya, toh usko dekh kar apne mind mai yeh naa soche ki uski kismat aachi thi etc etc........... Naa hi isme Bhagwan ko dosh de......

Aap apni mistakes ko dekhe ki maine kya galti ki hai, jiske karan mai fail ho geya, papers mai meri itni mistakes kaise ho gayi. Jab aap yeh sab kuch analayse karlenge tab jakar aap Stenogrpaher banege.

Mai aaj apko kuch aise hi story share karne wala hoon jisse apko clear ho jayega, ki steno banne ke liye experiences hone kitne zaruri hai. 

1. 2012 Nov Patiala Court Adhoc Paper

2011 mai maine shorthand seekhni shuru ki thi, mujhe apne aap par itna confidence tha ki koi bhi Court Steno paper aa jaye mai clear karke steno lag jaunga. 

Jab Dictator ne paragraph bolna shuru kiya, mera hand move hi nhi kar paya, movement baar baar ruk rahi thi, jiske karan mai attempt nhi kar paya, aur buri tarah fail hua kam se kam meri 250 mistakes hui hongi.

Mujhe apne aap se nafrat ho gayi thi, mujhe yeh lagne lag geya tha ki steno mai mera koi future nhi hai, mai har time bas yehi sochne lag geya tha.

Phir maine apne aap ko samjaya ki mujhe aur tayari krni chahiye, aur apne upar vishwas rakhna chaiye.

2. 2013 Punjab Pollution Control Board Steno Paper

2013 mai Punjab Pollution Control Board ka Punjabi and English steno paper hua. Punjabi Speed 80 WPM and English 50 WPM speed par hua.

Punjabi ka paper 80 WPM par maine pass kar liya, par English steno paper mai buri tarah fail ho geya, 

Reasons

• Over confidence hona 
• apne aap ko ek alag level ka banda samajna
• apne aap ko sahi and dusron ko bevkuf samajana. 
• Apne aap ko steno master samajna

.......... yeh sabhi reasons mujhe failure ki taraf le gaye.

Yeh Failure bhi maine acccept kar liya, aur ek baar phir maine koshish karni shuru kar di. 

3.  2014 Court Sangrur Adhoc Paper

2014, mai phir Court Adhoc Steno Paper aya. Ek baar phir mai confidence mai tha ki yeh job toh mujhe leni hi hai. Apne aap ko tees maar khan samaj raha tha. 

Jab dictation shuru hoyi toh mera hand mai nervousness aa gayi, aur mere hand and pair kaampne lag gaye, mujhe samaj nhi aa raha tha ki mere saath kya ho raha hai.

Jab tak mai sahi hoti tab tak dictation boli jaa chuki thi, aur mujhe apne result ke baare mai pata chal geya tha ki, mai ek baar phir buri tarah fail ho chuka hoon.

Mai jab competition se bahar nikla toh bahut zyada toot chuka tha, mai bus mai beth toh geya par mera safar bahut mushkil se hua, mera dhyan paper ki taraf tha, ki mai phir se fail ho geya, ghar mai kya muh lekar jaunga.

Maine 20 din tak Steno ko haath nhi lagaya, aise hi gum-soom hokar yahan wahan ghoomta rahan, aur aise hi bekaar mai awaragrdi aur time kharab karta raha.

Fail ho ho kar mai apna maksad bhool chuka tha, aur steno mai bhi peeche ho geya tha. 

Par ek baar phir maine Steno Copy and Pen ko uthaya aur phir practice karni shuru kardi, maine ek line read ki thi ki......... Practice makes Man Perfect.

Par mai kahunga ......... Practice makes Man and Woman perfect.

4. 2015 April Year Legal Service Authority Junior and Senior Scale Paper

Abki baar mera confidence and steno practice ek alag hi level par paunch chuki thi, mere mind bahut hi quickly steno ko read and write kar raha tha, aur typing speed mai toh maine din raat mehnat karke .... 500 words ka para 10 min mai type karna shuru kar diya tha.

2016 April mai Punjabi Legal Service Authority, Junior Scale Punjabi and English ka paper hua. Maine punjabi ka pehle paper attempt kiya and then english ka.

Paper bahut hi aacha hua, bus ka safar bhi bahut hi khushi aur maaze mai geya.. mai ab din raat bas result ka wait kar raha tha.. aur meri khushi ka andaza ek alag level par jaa chuka tha.

Mai apne aap ko bas Steno ki seat bar betha hua dekh raha tha, aur mere mind mai bahut tarah ki planning ban chuki thi, job ab mil hi jayegi pehle mai yeh karunga phir woh karunga, ek alag hi duniya mai jee raha tha. 

Apne mind mai maine bahut hi bade bade supne bana liye they.

Then, 2 ya 3 months baad result aya, aur mai phir fail ho geya.  Ab ki baar mujhe aise dhakka laga ki mai andar tak tutt chuka tha, itna tutt chuka tha ki maine kisi se baat karna bhi band kar diya tha. 

Mai naa kise se bolta tha aur naa hi kisi se milta tha, bas apne aap ko kamre mai band kar liya tha, aur apne aap ko nikama, kisi kaam ka nhi samajna shuru kar diya tha...... steno mere wass ki nahi yeh maine mann liya tha.

Aur maine bahut roya bhi, ki yeh mere saath kya ho raha hai.. paper itna aache karta hoon, fail kaise ho jata hoon

Iska paper maine RTI pakar bhi nikalwaya tha.... Jisse article aap read out kar sakte hai.

Read Article

How did I get the Shorthand paper with RTI Act

5. 2015 November  Punjab Agro Junior Scale Paper

2016 mai maine Punjab Agro Junior Scale Punjabi and English steno ka paper diya. 

Punjabi 100 WPM and English 50 WPM speed par thi. Mujhe confidence toh apne upar tha. Yeh paper bahut hi aacha hua. Dono hi paper aache gaye, aur paper dekar mai ghar aa geya.

1 Month ke andar result aa geya , aur is baar mai English and Punjabi steno paper pass ho geya, par seat kam hone ke karan mujhe seat nhi mili because mai merit mai peeche reh geya tha.

Mujhe khushi ho rahi thi ki maine paper pass kar liya hai aur ek baar phir high level practice krni shuru kar di.

6. 2016  April  Punjab Agro Junior Scale Paper

2016 mai Punjab Agro ne phir se Junior Scale Paper ki post nikli.

Maine phir se yeh paper fill karke tayari karni shur kardi. Din raat pagalo ki tarah tayari karta jaa raha tah, ki is baar toh teri nokri lagi. 3 months ke baad paper a geya. 

Punjab and English steno paper aacha hua, result aaya mai punjabi mai pass aur english mai fail ho geya.

Maine Thapar Univ jakar paper dekha, meri apni hi mistakes thi jiske karan mai fail ho geya tha.

Ab mujhe yeh yakeen ho geya tha ki kisi na kisi reason ke karan aur apni hi bevkufi ke karan mai fail ho raha hoon. Aisa dekhte huye maine bahut hi attention se tayari krni shur kar di.

Accuracy ke upar focus karna shuru kar diya tha, speed toh jab aani hogi aa jayegi, mera main motive ab accuracy ban geya tha.

7. 2016 Sept Punjab Backfinco Chandigarh, Junior Scale Paper

2016 ke Sept end mai ek baar Thapar Univ. ki taraf se Punjab Backfinco ki post nikli thi. Isme written exam bhi tha... jo clear karna zaruri thi. Merit written and steno ki banni thi.

Maine post fill kardi aur karne laga tayari din raat. Is baar mera focus only accuracy ke upar tha. Accuracy par maine poore focus dena shuru kar diya.

Jo jo mistake hoti saath ki saath note karta geya, aur red pen se marking kar leta ki yeh meri galti hai, aur yeh mistake ko maine kisi bhi tarah theek karna hai.

Din raat mai steno accuracy ke upar hi focus karta geya aur steno ki movement bahut hi easy ho gayi thi. 110 ki speed par bhi hand bilkul easy way mai leekha jaa raha tha. Aur maine bahut hi acchi tayari ki is paper ke liye.

2 Month ke baad paper hua, pehle written paper hua, jo maine clear kar liya par marks bahut kam aaye.

Uske baad Punjabi and English Steno ka paper hua, dono paper maine pass kar liye. 

Ab banni thi merit written and steno result ki. Poore Punjabi mai only 2 students pass huye, jisme mera 2nd Rank tha.

Seat 1 hone ke wajah se mujhe yeh seat bhi nhi mili. Aur ek baar phir mai andar tak tutt geya tha, nirash ho geya tha steno kar kar ke, kuch bhi aacha nhi lag raha tha. Success ke itne kareeb hokar mujhe success hath nhi lagi.

8. How Failure Turned into Success.

Baar baar paper dete dete aur fail pass hote hote ek din mai Stenographer ban hi geya. Apke mind mai yeh hoga ki yeh kon se Department mai select hua aur yeh banda kon hai.

Toh Sorry mai iske baare mai kisi ko bhi explain nhi karta. Naa hi mujhe koi janta hai. Bas mera kaam bolta hai.

Mere jo life mai experiences huye usne mujhe itna kuch seekha diya tha,  jiske wajah se maine www.punjabishorthand.com website bana dali.

Aur yeh nhi ki website bhi ek din mai success ho gayi, maine poori shiddat ke saath yeh website ko banaya hai, aur isse banane mai mujhe aaj poore 5 saal ho gaye hai. Aane waal 10 saal tak yeh poori tayar ho jayegi.

Aur day by day daily hard  work karte huye yeh success hasil kar rahi hai. 

End mai apko sirf yehi batana chahta hoon ki success kabhi bhi ek din mai nhi milti, iske liye apko sacrifices karne padenge. Woh aap kitni karte ho yeh apke upar hai.

Bahut si takleef hogi, apka mind apko bahut kuch kahega jo neeche describe kar raha hoon.

1. Apka mind kahega, steno chorde.

2. Apka mind kahega, suicide karle.

3. Apka mind kahega, sab bakwas hai.

4. Apka mind kahega, sab kismat ka khel hai.

5. Apka mind kahega, mere saath hi kyu ho raha hai.

6. Apka mind kahega, mai hi kyu fail hota hoon.

7. Apka mind kahega, kya bekar steno hai.

8. Apka mind kahega, steno chor kar Canada Jata hoon. 

9. Apka mind kahega, kuch nhi hona kuch aur krle.

10. Apka mind kahega, kuch hota toh hai nhi.

11. Apka mind kahega, sab sifarshi hai.

12. Apka mind kahega, dictation hi galat bolte hai.

13. Apka mind kahega, meri galti zyada nikal di.

14. Apka mind kahega, mere saath hi aisa kyu hota hai.

15. Apka mind kahega, kuch aur kaam kr leta hoon paisa zyada.

16. Apka mind kahega, steno se kuch nhi hota aish karo jab hona hoga hoyega.

17. Apka mind kahega, meri toh kismat hi sabse kharab hai.

18. Apka mind kahega, bas bahut ho geya last chance hai.

19. Apka mind kahega, dictator hi bakwas aya.

20. Apka mind kahega, pehle hi sab plan tha kisko rakhna.

21. Apka mind kahega, yahan kon sa number ana mera.

22. Apka mind kahega, kya koshish karni choro.

23. Apka mind kahega, kya steno steno kuch nhi isme.

24. Apka mind kahega, isse aacha toh written ki tayari kr leta.

25. Apka mind kahega, bas bahut ho geya kuch aur karta hoon.

26. Apka mind kahega, department hi galat hai.

27. Apka mind kahega,  poori nakal chali hai.

28. Apka mind kahega, meri galti extra nikaldi.

29. Apka mind kahega, kuch nhi hone wala.

30. Apka mind kahega, kisi pandit se pooch leta hoon.

31. Apka mind kahega, tera toh yaar time hi kharab hai.

32. Apka mind kahega, bas last baar paper dunga.

Jab aap fail hote hai toh apka mind aise hi react karta hai, yeh sab kuch maine peechle 12 saal ke experiences se seekha hai. 

Apko success hone ke liye 100% fail  hona hi padega, tab jakar aap life mai success hasil karenge. Iski examples mai Sarabjeet Singh Success Story mai already describe kar chuka hoon.

Agar aap soch rahe hai ki ek saal mai steno ki aur paper a geya mai steno ban jau, toh aise toh bilkul bhi nhi hone wala. 99.99% pehli baar mai steno student fail hi hota hai.

Aur life apko bahut kuch seekha deti hai, jissse aap day by day aur strong hote jaate ho.