How to Prepare Yourself in Shorthand Exam, yeh ek bahut hi important topic hai ki aap khud ko shorthand exam dene se kuch der pehle khud ko kaise prepare kare.


Agar mai apni baat karu toh mai starting mai shorthand exam dene se pehle nervous ho jata tha, aur mai nahi chahta ki aap khud ko nervous kare.

Apni nervousness ko kaise control kare aur exam shuru hone se pehle kis kis baat ka dhyan rakhe woh sab mai apko share karunga.



1. Take Proper Seat & Check Machine


Sabse pehli baat exam shuru hone se 20 minute pehle apni seat lele,  jahan dictator ne dictation bolni hai aap uske nazdik wali seat lele kyunki aap jitni nazdik seat lenge utni hi dictator ki sound apko clear sunegi. 

Proper seat lene ke baad seat par Typing Machine rakhleTyping Machine rakhne ke baad chala kar dekhe, agar machine aap ki hai phir bhi chala kar dekhe theek chalti hai, sari machine ki keys check kare ribbon, keys, space etc.



Yeh bhi check kare ki kahin aapka table hilta toh nahi hai agar isme problem hai toh instructor ko keh kar ise change karvaye.

Shorthand paper dene se pehle yeh sab kuch check karle, agar yeh sab theek hai toh aap befikar ho jaye. Yaad rakhe kabhi bhi dictator se door aur table kharab mat le, kyunki yeh apki life ka swaal hai.

Agar koi apko kehta hai ki mujhe dictator ki awaaz nahi sunti mai apke saath beth kar dictation likh leta hoon toh aisa bhi mat kare, aisa karne se apki concentration kharab ho sakti hai.


2. Take Drink Water

Iske baad ek glass pani pee le aisa karne se apka mind fresh ho jayega aur apki nervousness nahi hogi, apki concentration paper par hogi isiliye paper shuru hone se pehle paani zarur pee le, iska ek aur benfit hai apko jaldi jaldi pasina nahi ayega haath mai.


3. Shorthand Sheet


Exam hall mai apko shorthand sheets provide ki jayegi jis par apko shorthand likhni hoti hai woh bhi aap theek se check karle ki apko proper sheet mili hai.

Lines wagera aap check karle kyunki kai baar apko aisi sheet bhi mil sakti hai jisme lines gayab hoti hai.



Shorthand sheet par middle mai line marle, middle mai line kyu marte hai yeh apko pata hi hai


Sheet mai only one line hi maare middle mai usse zayada na mare nahi toh shorthand likhne mai bahut adjustment karni padti hai.


4. Concentration on Paper





Fourth step mai apko apne paper par concentration deni hai is time tak Dictator apke samne khada hoga aur uske haath mai Shorthand passage hoga jisse dekh kar apke mind mai bahut se questions ayenge ki kon sa paragraph hoga isme.

Par apko aisa kuch nahi sochna hai apko sirf apni mehnat par yakeen hona chahiye apko bas yeh ehsaas hona chahiye koi bhi paragraph  aa jaye mai likhne ke liye tayar hoon.

Apko papar par shorthand likhne se pehle apna mind clear rakhna hai, kuch nahi sochna naa apne Past ke baare mai aur naa hi apne future ke baare mai bas present ke baare mai soch kar likhna hai ki aaj mere paas only 5 minutes hai apni life badal ne ke liye.

Bas apki concentration paper par honi chahiye aur kahin nahi.


5. Take Proper Pen & Pencil


Take Proper Pen & Pencil

Shorthand likhne se pehle apka pen aur pencil bilkul theek honi chahiye apko shorthand likhne ke liye kon sa pen use karna hai uski jankari maine pehle hi article mai de di hai.



Mera suggestion toh yehi hai ki aap hamesha paper ke waqt pen use kare, kyunki pencil ka koi bharosa nahi hai kab paper dete waqt tut jaye isiliye mai pen ko hi prefer karta hoon aur most experienced and Fastest Shorthand Writers hamesha pen ko hi prefer karte hai.


6. Turning the Page of the Shorthand Sheet



Turning the Page of the Shorthand Sheet

Shorthand test dete waqt yeh bahut hi important point hai ki aap kaise page ko turn karte hai. Some students nervousness mai page change karte hai aur kahin is chakar mai ki kahin koi hamara word naa reh jaye, aur koi darr ke karan ki kahin page change hi nahi hua toh fail ho jaunga.

Page change karna ka simple sa method hai apne left hand side ka thumb pehle hi last mai rakhle page ke corner mai.


Jab page khatam hone lage usse pehle hi page palat le bahut hi easy tareek se apko yeh jaladbaazi mai nahi karna hai, kayi bar jaldi jaldi mai apki sari khed gadbad ho sakti hai. 

Bina nervousness liye tension liye apko page change karna hai, aap jitna easy tareeke se karenge utna hi aap easy rahenge. Hamesha dhyan rakhe page change karne mai koi jaladbaazi na kare.


Agar apko practice karni hai toh paper se one week pehle apni shorthand note book mai se 5 page lekar stepal karle aur jaise test mai likhte hai waise hi leekh leekh kar practice kare

Phir aap competition mai bahut hi easy page turn kar sakenge.


7. Take Foot on the Floor during Shorthand Exam



Take Foot on the Floor during Shorthand Exam
Add caption

Shorthand test shuru karne se pehle apne foot hamesha zameen par hi rakhe kyunki shorthand likhte waqt apki body ka koi bhi part kisi bhi harqat mai naa ho.

Bahut se students apne foot ko niche table par rakh lete hai aur kayi baar legs fold kar ke exam dete hai aisa nahi karna chahiye.

Hamesha apke foot zameen par hi hone chahiye, aur apke only hand hi chalna chaiye shorthand likhte waqt.


8. Don't take Pen and Pencil tightly in hand





90% students shorthand likhte waqt apne hand mai pen aur pencil bahut hi tight pakad kar likhte hai uska bura effect yeh padta hai ki naa hi speed par likh pate hai aur bahut hi jaldi hand likhte likhte thak jata hai.


Shorthand leekh ne se pehle hamesha pen loose hi pakde taki aap easily outlines ko paa sake aur easily pen lift kar sake. Aap kabhi bhi dekhle pen ko tight pakad kar leekhenge toh kabhi bhi aap shorthand ko high speed par nahi leekh payenge.



9. Read Own Shorthand during one Minute Break in Exam

Punjab Govt. ka ek bahut hi aacha rule hai ki apko one minute diya jata hai test mai apni leekhi hoyi shorthand ko read karne ke liye.

Woh one minute apke liye best hote hai usme aap jin words ki outlines correct nahi padti usko aap easily theek kar sakte hai, ya phir longhand mai bhi likh sakte hai taki apko word yaad rahe.

Yaad rakhe ki longhand mai leekhey huye words ko remove karde dictator ko exam sheet dene se pehle, agar aap aisa nahi karte toh aapka paper reject ho sakte hai.



10. Do Not Overwrite on Exam Sheet

Bahut se students machine par type karte waqt overwriting bahut karte hai jisse words ki shape kharab hoti hai aur kayi baar likhe huye words bhi kharab ho jate hai.

Yeh galti maine bhi ki thi exam ke time, machine par type karte waqt maine pehle space chor di thi ki mai baad mai aakar type karunga ki agar mujhe word yaad a geya toh.

Maine apna paragraph poora type kar liya tha aur end mai jab 5 minutes reh gaye they toh mujhe words yaad a gaye aur mai phir piche geya words ko paane ke liye.

Jab maine wahan type karne laga toh woh galti se word ke upar hi type ho gaye isi chakar mai maine apna sara paper kharab kar liye tha aur mai fail ho geya tha.


Par computer par aisa kuch nahi hota kyunki computer par backspace ki option hoti hai aap jitni baar cut kar sakte hai par machine par aap thoda dhyan se hi type kare.

Ek baar type kar diya toh aap piche mudkar uss cheez ko theek nahi kar sakte.


11. Read Own Typing Paragraph in the End

Last mai jab apka paragraph type ho jaye toh hamesha read out kare, chahe aap kitne bhi intelligent hai agar apke paas 1 minute bhi hai toh paragraph read out karle.

kahin koi word reh toh nahi geya. Yeh sab aap only Computer par test dete huye hi kar sakte hai Machine par nahi.

End mai apko yehi kahunga ki paper dene se pehle apni likhi huyi shorthand se apna type kiya huya passage zarur check karle.



Maine sare topics cover karne ki koshish ki hai. Aap exam shuru hone se pehle inka dhayan zarur rakhe.

4 Comments

  1. Sir,punjabi typewriters machine o dinda hunda aa? Ja fer apni le ki ja e aa

    ReplyDelete
  2. hanji tusi apni machine leja sakde ho, te pssb wale v dende ne apni machines type karan nu.

    ReplyDelete
  3. Ona de machine te apni machine Ch koi frk hunda?

    ReplyDelete
  4. tuhadi apni machine tusi roz use karde ho uste tuhada hath betheya hunda oh competition ch easy rehndi hai tahanu ehy mehsoos nahi hovega ki mai begani machine te betha, ohna di machine v thik hundia. bas ehy mind set up di gal hundi hai. Baki jisnu typing perfect andi hai oh kisi te v kar sakda.

    ReplyDelete

Post a Comment

Previous Post Next Post