Accuracy and Speed in Shorthand

Accuracy and Speed in Shorthand, yeh ek bahut hi useful and important topic hai shorthand students ke liye.

Koi bhi stenographer jab dusre stenographer se milta hai woh usse pehli baat yeh puchta hai ki teri kitni speed hai shorthand mai tu kitni speed par leekh leta hai.

Jab maine shorthand shuru ki thi toh kuch months baad hi mere se aise questions puche jate they ki teri kitni speed hai.

Par aaj tak kise ne yeh nahi pucha ki teri Accuracy kitni hai, kehne ka matlab yeh hai ki har koi speed ke chakar mai hai.

Accuracy ke baare mai koi nahi puchta har kisi ko yehi hai ki bas speed ban jaye accuracy se kya lena hai.

Yeh baat hamesha yaad rakhe ki Accuracy first hai shorthand mai speed baad mai. Agar apki accuracy nahi toh shorthand mai speed kisi kaam ki nahi hai. 

Accuracy sahi hogi toh hi aap merit mai ayenge, wahan apki speed nahi accuracy kam aati hai. 

1. Concentration on Shorthand Accuracy

Apka pehla aim shorthand mai accuracy banana hai agar ek baar accuarcy ban gayi toh aap shorthand mai kabhi bhi fail nahi ho sakte.

Agar kisi ne apko words bola "Make" toh apke mind mai picture ban jayegi M and K ki aur apko yeh bhi pata chal jayega ki vowel kahan place karna hai. 

Means ki yeh word paane ke liye apka mind clear hai apko yeh words agar 150 wpm ki speed se bola jaye toh aap easily likh lenge, aise hi apko har character ki practice kar kar ke mental picture clear karni hai.

Apko koi bhi words boldo toh apka mind ek dum se action le aur woh word aap saath ki saath poori safai se paper par leekh de.

Aap jo bhi matter practice kar rahe hai poori concentration se likhe. Aap ghar mai reh kar practice kar rahe hai toh dictation likhne se pehle paragraph ki aachi tarah se practice karle.

Kam se kam paragraph ko 10 to 15 times likhe aap jitni bar paragraph ki repetition karoge utni baar hi aap used to ho jayenge matter ke saath aur jab aap practice khatam kar ke uski dictation lekar likhenge toh aap easily catch karlenge. Means ki apne pehle accuracy se saare words ki practice karli thi. 

Aap agar roz 400 words paragraph ki practice poore concentation se kar rahe hai toh aap one month mai 12000 words practice kar ke perfect ho jayenge.

Accuracy bar bar practice karne se aati hai , agar aap koi outline galt leekh rahe hai toh phir uski practice kare. Apko himmat nahi harni apni galtiyon se seekhna hai ki hum kahan galat hai kyu nahi accuracy nikal rahi.

Apko khud hi iske upar mehnat kar ke words ko control karna hai ki hum jab agli baar dictation leekhe toh words mai accuracy ho vowels placing bilkul correct ho.

Aapne apne aap ko bar bar practice kar ke itna perfect kar lena hai ki competition ladne mai aap koi darr naa lage.

Aur jiski tyari nahi hoti usko competition mai darr lagta hai ki kahin mai fail naa ho jau. 

Hamesha apni likhi huyi shorthand ke read kare bar bar read kare jitni bar read karoge utna hi perfect hote chale jaoge, chote se chota word bhi read kare kisi bhi shorthand character ko easy mai mat le.

Yaad rakhe ki koi bhi Cricketer, Dancer, Entrepreneur, Player ek din mai nahi bane. Practice kar kar ke inhone apne naam mashoor kiya hai poori duniya mai.

2. Concentration on Shorthand Speed

Pehla humne baat ki thi Accuracy ke baare mai aur ab mai Speed ke baare mai karunga.

Speed har koi speed ke chakar mai hai, koi kehta hai meri itni ban gayi koi kehta hai itni. Par aap pichle 10 years ke shorthand Result dekhenge toh apko 100 me only 20% students hi aise milenge jinhone ne test pass kiya hai.

Result apke samne hai Speed sabki thi, kitno ki toh shayad 120 wpm ke upar bhi ho sakti hai toh phir saare pass kyu nahi huye?

Iska saaf saaf matlab hai Accuracy naa hona, Shorthand mai accuracy bahut zaruri hai.

Speed par likhne se pehle aap apne mind ko clear karle naa hi apke mind mai koi hesitation honi chahiye aur naa hi apko us 5 minute mai kisi ke baare sochna hai.

Apko bas apni shorthand par focus karna hai, kabhi bhi apni speed se zyada speed par dication mat le, aisa karne se aap galat outline hi likhenge.

Hamesha slow speed se lekar high speed mai jaye means ki apne pehle apni speed par dictation likhni hai agar apki speed 80wpm minute hai toh 80 wpm par hi dictation leekhe.

Uske baad slowly slowly 85 wpm par leekhe jab aap yeh leekhle poori accuracy ke saath toh phir apni speed increase karde 90 wpm par leekhe. 5 wpm apni speed increase karte jaye jaise 95 wpm,100 wpm,105 wpm,110 wpm, 115 wpm, 120wpm .......

 Aise karte karte aap tab tak likhte jaye jab tak apki outlines kharab naa ho jaye.

Means ki bilkul hi naa padi jaye, yeh yaad rakhe ki speed ke chakar mai apki outlines kharab nahi honi chahiye, aisa naa ho ki aap apni hi outlines ko kuch aur read kar rahe hai. 

Yeh baat apni mind mai se nikal de ki hum speed par nahi leekh sakte , bahut se students speed bana kar stenographer ban chuke hai aur ab apki baari hai job lene ki.

Agar apki shorthand clear hai toh apko job lene mai koi nahi rok sakta.  

3. Always Read Own Shorthand and Type on Computer/Machine

Speed and Accuracy ke baad baati aati hai apni likhi huyi shorthand ko computer par type karne ki.

Practice ki paragraph ki dictation leekh li aur phir kaam khatam?

100 mai se 80 students yehi karte hai main cheez par focus nahi karte woh hai type karna jee haan. End aur last mai type hi toh krna hai apne leekhi huye paragraph ko.

Competition mai humne type hi karna hai aur unhone ne bhi hamari typing dekh kar hi result dena ha.

Aap ghar ja phir centre par jo bhi dictation ya practice kar rahe hai usko Computer ya Machine par zarur type kare aisa karne se apko apni mistakes ke baare mai pata chalega.

Test mai apko jitne minute milte hai usse pehle pehle apne type karna hota hai, aap type kar kar hi shorthand ko jaldi padne ki aadat daal sakte hai.

Words mistake and Shorthand mistake yeh dono ka pata humko typing karne se hi chalta hai ki hum kahan galat hai. 

Mai apko PSSSB ka ek paper show kar raha hoon Apni Friend ka jiski speed toh 100 wpm ki thi par woh Accuracy ke karan Fail ho gayi thi.

Aap yehi se andaza laga sakte hai ki Typing kitni zaruri hai shorthand mai apko type kar kar hi apni mistake ka pata chalega aur aap perfect ho jayenge. 

Hum ek baar galti karte hai toh hume pata chal jata hai ki humne kis kis word ko galat leekha hai, Aap chahe Punjabi Shorthand kare ya English Shorthand aap type zarur kare.

End mai apko yehi kehna chahta hoon ki Speed aur Accuracy apko ek saath lekar chalna hai. Speed ke chakar mai aap apni Accuracy ko kharab mat kare. 

Aap niche Comment section mai iske related kuch bhi pooch sakte hai.