3 Steno Friends Story

Yeh story shuru karne se pehle mai apko bata doon ki yeh meri hi story hai. Is story mai (me aur mere 2 friends) hai.

Yeh story apko motivate karne wali hai, aur shorthand ko life mai serious lene wali hai, steno karna koi mazak nahi hai yeh ek serious subject hai jo apki life ko success kar sakta hai.

Is story mai apko woh sab kuch bataunga jo ek good stenographer aur ek bad stenographer ki aadat hoti hai, ek apko success ki taraf aur dusri apko failure ki taraf le jayegi.

Isliye yeh story aap bilkul dhyan se read out kare.........

Lets Begin Story

Jab mene shorthand shuru ki thi tabhi mujhe shorthand centre mai 2 students shorthand seekhte huye class mai mile they.

Woh mere se bhi 10 months pehle se steno kar rahe they, aur mujhe yaad hai woh English shorthand Pitman Book kar rahe they.

Mai starting mai unko shorthand leekhte huye dekhta tha, toh mai hairan aur pareshaan hota tha ki kya mai bhi  kabhi steno leekh paunga?

Dekhte hi dekhte maine bhi mann lagakar steno ko seekhna shuru kar diya, aur daily steno class mai aane ke karan hamari dosti ho gayi.

Unka name mai mention nahi karunga......

Aise hi shorthand ko seekhte seekhte takreeban ek saal se zyada time ho geya tha, mai pitman book and punjabi shorthand seekh kar competition mai beth ne lag geya tha, aur woh abhi tak english pitman book par hi they.

Reasons

1. Daily Practice naa karna
2. Ladkibaazi karna
3. Awaragardi Karna
4. Shorthand seriously naa lena
5. Class Bunk Marna
6. Daily type naa karna
7. Time Waste Karna
8. Durson ka mazak udana
9. Phone par time waste karna
10. Class mai aakar jaldi chale jana

Mai unko pichle ek saal se yehi sab kuch karte huye dekh raha tha, maine unhe samjaya ki aise shorthand nahi hoti, par unhone mera hi mazak udaya tu toh abhi new aaya hai...... hum toh purane hai, tu kya karlega.

Thodi si shorthand kya seekhli ab tu hame hi samjaega, shorthand kaise karni hai.

Maine unko apne friend samaj kar kuch nhi kahan aur isi tarah mai practice karta raha....

Continue Shorthand.................

Shorthand ko aachi tarah seekhne ke baad maine shorthand centre ko chor diya ( reason har month centre ki fees naa de pana) isiliye mai ghar par khud hi daily dictations record karke practice karne laga.

Shorthand ko lekar mujhe bahut craze tha mai ghanto tak bas shorthand hi karta rehta tha, aur shorthand se related book read out karta rehta tha, outlines dekhta rehta tha ki yeh outline kaise bani etc etc........

Ek din mujhe wohi centre wale dono steno friends mile, aur unhone mujhe kha ki hamne bhi centre ko chor diya hai aur ab hum free hai, maine unko kaha ki aap daily practice karo  job lag jayegi.

Us waqt unhone ne haan kardi shorthand daily practice karne ke liye, aur mai inke saath hi  friend ke ghar par daily steno practice karne laga.

Uska reason yeh tha ki inke paas typing machine aur ek bada room tha, maine inko haan kardi ikthe practice karne ke liye.

Mai time se pehle hi friend ke ghar chala jata tha aur dictation record karke practice karne lag jata tha.

Us time yeh done ek private job karte they, aur jo baat huyi thi daily class ki , woh toh unhe bhool hi gayi thi.

Kabhi room mai practice karne aa jate they kabhi nahi, kabhi ek friend aa raha hai aur dusra ghanto tak phone par baat kar raha hai........ 10 months tak aise hi chalta geya......

Khair mai apni daily practice karke ghar aa jata tha, aur ghar par aakar bhi mai raat tak shorthand hi karta tha.

Par Unhone shorthand ko ek mazak samj rakha tha, kabhi shorthand karli aur kabhi shorthand ko haath tak nahi lagaya.

Unko daily bike par ghumne ki aur drink karne ki aadat lagi huyi thi, woh apni life ko aise enjoy kar rahe they maano ki unho life mai success mil gayi ho, par aise hamesha nahi rehna tha, agey chalkar unko muh ki khani padi.

Par mai apne time ka poora benefit leta geya, kyunki friend ke ghar par typing machine thi, mai daily shorthand practice karke aur typing karke ghar aa jata tha, jisse meri performance day by day improve ho rahi thi.

Uske baad mai bhi private job karne lag geya aur ghar par hi shorthand and computer par practice karta tha, maine friend ke ghar jana band kar diya tha......

Par Unka abhi tak practice karne ka koi time nahi tha, unko bas enjoy karne mai maza aata tha like........

Jiske paas life mai focus nahi hota, koi direction nahi hoti mind ko dene ke liye, toh yeh temporary pleasure (mazze) unko apni taraf kheech lete hai.

Jo bhi insaan bina focus ke direction less zindagi jee raha hai ek na ek din unhone galat track par aana hi aana hai...........chaahe woh success hokar karne lage ya phir bina success paye bina hi.......

Kaam ban geya toh "Daaru" nahi bana toh "Daaru"..........

1. Drinking
2. Gossip
3. Parties
4. Time waste
5. Lazy 
6. Sexual Pleasure

Time aise hi apni raftaar chalta geya, mai day by day shorthand par focus karte huye steno karta geya.

Shorthand mai maine bahut dhaake khaye, paper de de kar mujhe yeh pata chal geya tha ki mai ek din success hasil karlunga.

Aur ek din woh bhi aa geya jab meri steno kar ke job lag gayi, aur mere liye isse zyada aur koi khush nahi thi.

Maine tabhi apne done friends ko phone karke yeh baat batayi, toh woh sunkar hairan reh gaye ki tujhe kaise nokri mil gayi.

Maine kahan mehnat karte karte ek na ek din toh apko fal mil hi jata hai, chahe der kitni bhi lage.

Aaj itne saal baad bhi woh done friends wahin ke wahin hai, woh aaj tak stenographer nahi ban sake, unka kya reason tha woh mai apko pehle hi explain kar chuka hoon.....

Aur aaj unhe ehsaas hai ki kaash hum bhi steno par focus rakhte, ki kaash hum awaragardi naa karte toh aaj hamari bhi life set hoti....

Aaj woh life mai itne pareshaan hai ki mai apko explain nahi kar sakta, ab toh unki age bhi nikal chuki hai.............

Aur mai apse bhi kahunga ki, shorthand ko lekar hamesha serious aur positive rahe...

Apni mistakes se seekhte jaye, daily practice karte rahe, ek na ek din success apke kadam chumegi hi chumegi......100% guarantee..... hai

Mehnat ke raaste par chalkar aap life mai kuch bhi hasil kar sakte hai....

Last

Yeh story maine isliye leekhi kyunki apko yahan se seekh mile ki time bahut precious hai,  jo time waste karta hai end mai time usko waste kar deta hai isliye, zyada se zyada time shorthand focus par lagaye.

Aur life mai success hasil kare, daily website se shorthand material practice karte jaye ek na ek din aap kamyab ho jayenge.

Fark sirf itna hai ki dictations recording pehle mai khud ke liye karta tha, aur ab mai all shorthand students ke liye karta hoon.