Hello, Friends mai aaj apke liye new article lekar aya hoon. Mai iss par isliye likh raha hoon kyunki aise bahut se students hai jo shorthand karte huye apne aap ko motivate nahi rakh pate.




Shorthand ko shuru se lekar aur jab tak apko job nahi mil jati tab tak apko motivate rehna hai  shorthand ke prati, chahe apki life mai kitni bhi musibat kyu naa aa jaye.

Maine aise bahut se students dekhe hai jo steno ko lekar motivate nahi rehte, aur bahut jaldi haar maan lete hai ki yeh humse nahi hoga, aur woh apne kadam piche ko kheechna shuru kar lete hai aur sab kuch ek miracle ke upar chor dete hai.

Maine apne pichle  8 saalo mai bahut se aise students dekhe jo shorthand ko chor kar aur line pakadne ki koshish ki par woh aaj tak kuch nahi ban paye, kyunki woh andar se shorthand ko lekar self motivate nahi they.


Kuch din pehle meri kisi se baat huyi jo shorthand ko lekar motivate nahi tha, mai apko uski example dene laga hoon maine ose 'X' naam lekar use kiya hai.

"Conversation with Other Stenographer"




X: Hello Sir, mai shorthand karta hoon par mujhe isko likhne mai aur practice karne me problem aati hai.

Me: Shorthand ko day by day karte jaye aur holi holi outlines ki practice karte jaye, jo bhi problem aati hai aap mere so pooch sakte hai.



X: Mai shorthand toh karta hoon par mujhe likhte huye bahut mistakes hoti hai aur mai demotivate ho jata hoon.

Me: Pehle shorthand ko hamesha slow speed par likhe par holi holi speed increase karte jaye jo bhi mistake ho rahi hai usko ek register par note kare aur kam se kam 35 times us outline ki practice kare, phir apko woh words kabhi nahi bhulega.



X: Meri shorthand ko dekhkar kuch students mazak udate hai ki tu shorthand nahi likh sakta, tere bas ka kaam nahi hai.

Me: Aap kisi bhi baat ka dhyan na kare bas apni shorthand par concentrate kare, aap woh sab kuch kar sakte hai jo A.P.J Abdul Kalam ne kar diya tha, bhagwan ne sare humans ko ek jaisa hi banaya hai.

X: Jab mai class mai shorthand ko read nahi kar pata toh kuch students mujh par haste hai aur mera mazak udate hai.

Me: Joh tum par aaj hass rahe hai woh kal ko tumhe dekh kar hairan reh jayenge jab tum apni manzil par paunch jaonge, apko kisi se darne ki zarurat nahi hai aap bas daily practice karte jaye, aur manzil apke bahut kareeb hogi.


X: Thanks Sir, apne mujhe bahut motivate kiya mai agey se demotivate kabhi nahi hunga.


Yeh meri conversation thi jo maine uske saath ki, aur woh andar se bahut motivate ho geya jab ki woh pehle demotivate tha.



1. Shorthand for yourself first and for others second.


Pehle apko khud ke liye shorthand ko sikhna hai tabhi aap agey jakar dusro ko ek sahi guidance de sakte hai, aap jitni aache tareek se shorthand ke prati imaandar rahenge utna jaldi hi aap ise likh sakte hai.

Shorthand ko kabhi bhi easy lene ki koshish naa kare, yeh easy lagti zarur hai par tab jab aap iski itni practice kar lenge ki apko koi bhi unseen paragraph aa jaye aap turant likh le.


Ho sake jo bhi apke paas knowledge hai shorthand ko lekar woh dusron ko bhi share kare taki usko bhi pata chal sake ki yeh outline kaise pani hai.


2. Fail in Shorthand Exam



Aap bar bar shorthand exam mai fail ho rahe hai toh aap iski tension mat le kyunki mai bhi apni life mai bahut baar fail hua hai, jab tak aap fail nahi honge apko yeh pata nahi chal sakta ki aap kya galti kar rahe hai.


Jab koi insaan niche gir kar wapis uth kar khada ho jaye ose Champion kehte hai, so apko shorthand exam mai fail hokar demotivate hone ki zarurat nahi hai. 

Jab hum shorthand ke exam dete hai toh hume pata hota hai ki humne kya galti ki hai aur result hume us time hi pata chal jata hai ki hum pass hai ya fail, 

Os time demotivate hone ki time khud ko motivate rakhe aur apne aap se yeh kahe ki iss baar nahi clear hua toh koi baat nahi next time clear karlunga.




Apko kabhi bhi exam mai fail hone ki wajah apni shorthand par haawi nahi hona dena chahiye, bas apko lagan aur mehnat se ise karte rehna chahiye apko ek din success zarur mil jayegi.




3.  Forget social networking and focus on Shorthand.


Jab maine yeh website shuru ki thi tab mujhe bahut se students ne kaha taha ki aap facebook aur whatsapp par group bana le par maine aisa nahi kiya, kyunki students in par apne keemti time waste karte hai aur dusron ke life mai kya ho raha hai us par zyada focus karte hai.

Aaj kal ki new generation social networking ke piche pagal huyi padi hai unko lagta hai ki social networking hamari life ko success kar degi jo yeh bahut badi bhool hai stenographers ke liye.

Bahut se students sara sara din Facebook, Whatsapp, Twitter , Instagram par apna keemti time waste karte hai, aur shorthand ki practice nahi karte.

Woh yeh sochte hai ki hamara kon sa exam hai humne shorthand kar kar kya karna hai, par woh yeh bhool jate hai ki shorthand mai practice roz karni hai chahe exam ho chahe naa hoo. 

Athlete, Swimmers, Cricketer, Footbaal Players roz practice karte hai ground mai kyunki unhe pata hota hai ki humne ek din jeetna hai apni country ke liye.



Social Networking apke mind ko bas kuch der ke liye khush kar sakti hai par apka pet nahi bhar sakti, agar aap apna sara time is par dhyan karte rahe toh shorthand mai success nahi ho sakte.

Jitna ho sake utna social networking se door rahe, apne study par focus rakhe.


4. You are Creator of Your Own Destiny



Yeh baat hamesha yaad rakhe ki apko apni kismat khud likhni hai, apko khud apne pairon par khada hona hai mehnat karke.

Kabhi bhi dusron ki baat ka dhynan mat kijiye jab woh yeh keh raha ho ki tu kabhi bhi stenographer nahi ban sakta.


Bhagwan ne apko do haat diye hai kam karne ke liye, bas apko usme se ek haath use karna hai shorthand likhne ke liye.

Mujhe aaj bhi yaad hai jab mujhe log kehte they ki "teri kismat mai nokri nahi tu shorthand ko chor kar kuch aur karle" toh us time maine soch liya tha ki kuch bhi ho jaye mai stenographer bankar rahunga.


Kyunki aise log society mai bahut hai jo dusron ki kamyabi nahi dekh sakte. 


Apko starting mai bahut problems ayengi shorthand ko lekar par apko darna nahi hai, bas slowly slowly apni manzil ki aur chalte jaye apko sab kuch easy lagne lag jayega.

Apko apne haat se apni takdeer khud likhni hai, woh kaise likhni yeh apko khud pata hai ki humne mehnat karni hai aur life mai success hasil karke dusron ko guide karna hai.

Sirf apne liye zindagi ko mat jeeye life mai kuch ban kar dusron ki help bhi kare jisse unko bhi sahi guidance mil sake.






Yeh meri taraf se tips thi ki aap shorthand ko lekar hamesha self motivate rahe.

5 Comments

  1. Sir,tuse Jo v Gallan share kitiyan bilkul shi ni,main b SoCal network de account dalet kite hoya aa,per sir meri ek problem aa ki Punjabi shorthand likhan ton bad prn lge pri nhi jnde te meri gulty kite aa a smj nhi onde menu please tuse j meri gulty menu desdo tan mehrbani hove

    ReplyDelete
  2. oh isalyi tusi apni likhi hoyi shortahnd nu bar bar nahi parde, jdo tusi practice karde ho apni shortahnd nu zarur read karo, te dictation toh bad usnu holi holi padna start karo, shorthand nu proper vowels laga ke likho, us toh bad dekho tusi kive read karde ho, ehy problems andia ne par har problem da solution zarur hunda.....

    ReplyDelete
  3. hamesha apni likhi hoyi shorthand nu read karo toh bad zrur computer te machine te type karo, is naal tuhade vich atamvishwas aa jayega jo tahanu kadi haran nahi dewega.

    ReplyDelete
  4. Thnx sir main sachi speed Ch shad Dina vowels . so a he gulty c nd padna kini war aa likhan ton bad?

    ReplyDelete
  5. jini war tahanu ehy confirm nahi ho janda ki mai apna likhye paragraph pad ke computer te type kar sakda, ho sake ta galat word na pao hamesha correct words nu pana sikho vowels laga ke... jehde vowels nu tusi easily pad sakde ho uthe chahe vowels na lagao ohna tuhada time save hovega..

    ReplyDelete

Post a Comment

Previous Post Next Post