Doston, mera naam Sarbjeet Singh, hai aur mai aaj apke saath apni story share karne jaa  raha hoon ki kaise mai stenographer bana. Meri story shuru hoti hai 2009 se jab mujhe shorthand ke baare mai kisi ne pehli baar bataya tha. 




Mujhe kisi se yeh pata laga tha ki shorthand seekh kar life mai success paya ja sakta hai lekin mujhe shorthand ke baare mai bilkul bhi knowledge nahi thi but maine apni graduation ke baad 2009 mai ise start kiya. 


Start Shorthand


Maine apni shorthand December 2009, se Deep Institute Sheran wala gate Patiala, se shorthand karni start ki jo ki English Steno ke bahut hi badiya teacher hai. 

Jaise jaise mai ise continue karta geya mera interest isme badta gya. Lekin mere kisi bhi friend ja ghar mai kisi ko bhi shorthand ki knowledge naa hone ke karan meri shurawat bahut slow  rahi. 

Maine Pitman ki book ko khatam karne mai hi 2 saal laga diye. Aur uske baad maine Late Sardar Rajinder Singh ki 80wpm English Shorthand book shuru ki. Aur is book ko complete karne ke baad meri speed 80wpm ban gayi thi uske baad mai competition mai bethne laga. 



First Attempt - But Fail [2012]

Maine apni life ka pehla paper Patiala District Court, mai diya tha. Yeh test 80wpm mai liya geya tha par test ki knowledge naa hone ke karan mai isme fail ho geya. Par mujhe experience aacha mila yeh test dekar. Mujhe pata lag geya tha ki future mai hone wale test ko mai clear kar sakta hoon. 


Second Attemp- But Fail [2012]

Maine apni life ka second exam Jalandhar District Court, mai diya  tha is waar maine tayari pehle se zyada ki thi ki mai exam pass karlunga. Mujhe court ke exam ka criteria pata chal geya tha. 

Lekin yeh mera bad luck raha kyunki is baar dictation bahut zyada difficult boli gayi jiske karan mai proper shorthand nahi likh paya. Aur mai fail ho geya. 


Third Attemp- But Fail [2013]

Third  exam maine Punjab and  Haryana High Court (District Punjab) ka diya. Mera phir bad luck raha ki mai yahan nervous ho geya tha. Aur mai speed catch nahi kar paya. Aur mai fail ho geya. Lekin isse mera experience increase hua. 




Fourth Attempt- Pass [June 2013]

Fourth exam maine Amritsar District Court, ka diya tha. Aur is baar mera exam bahut aacha hua mujhe puri umeed thi ki is baar mai zarur pass hunga. 

Jaise maine socha tha bilkul waise hi hua mujhe 10 din baad mujhe court se call a gayi ki aap pass ho gaye hai aur yahan aake apni Appointment Letter le lijiye aur join kijiye. 

Yahan par mai ek baat batana chahta hoon ki District level par maine jitne bhi exam diya woh sab Adhoc par they kyunki 2011 -2012 ke baad Regular Appointment ke liye high court ne khud exam conduct karna shuru kar diya tha. 


Joining in Amritsar But Again Badluck

Maine 12 July 2013, ko Amritsar District Court mai join kiya tha. Meri posting Ajnala court mai huyi thi. Mere pehle Judge Sardar Parminder Singh Ghotra they. Woh bahut hi aache insan they jinho ne mujhe bahut pyar se court ka kaam sikhaya. 

Meri life aachi nikal rahi thi us time mujhe yeh ehsaas nahi  tha ki mai Adhoc par laga huya hoon. Suddenly 2013, mai High Court ne jo exam liya tha uska result declare hone ke baad jo students paas huye they woh Amristar District Court mai joining ke liye aa gaye aur is wajey se muje 24 september 2013, ko terminate kr diya gya. aur mai apne ghar patiala wapis aa gya.


Fifth & Sixth Attempt 2013 (Pass)


Kapurthala District Court Appointment Letter


November 2013, mai hi Amritsar aur Kapurthala District Court mai steno ki posts ayi. Maine ye dono exam diye aur dono mai pass hua. Pehle december mai Kapurthale wala result declare hua aur muje call ayi ke app pass ho gye ho aa kar join kr li jiye lekin kuch family problem hone ke karan maine Kapurthala court mai join nhi kiya.

Aur fir 10,12 din baad hi muje Amritsar se call ayi ke aap pass ho gye ho aakar join ki jiye. Amritsar mai mere aur bhi Patiala ke frnd job krte the aur mai pehle bhi waha kaam kr ke aya tha is liye maine 23 december 2013, ko waha join kr liya phir se. 


Again My Bad Luck




Joining karne ke 2 months ke baad mujhe phir se nikal diya kyunki Amritsar mai 3 Judges ki transfer ho gayi thi. Jiske karan 5 steno ko free kar diya geya tha. 

2 baar nikale jane ke karan mujhe yeh pata lag geya tha ki Adhoc job mai apka koi  future nahi hai. But mai Adhoc ka exam zarur deta tha only  experience  gain karne ke liye.

Phir 7 months ke baad mujhe Amritsar Court se phir call ayi ki aap wapis aake join kar lijiye is waar humne koi exam conduct nahi kiya hai bas jinko last time nikala tha unhi ko call karke bulaya hai.

Also Read: Mr Bunberry Ne Kaise 250wpm ki Speed Banayi

Mere pass agey koi exam nahi tha dene ke liye aur ghar mai free hone ke karan maine Oct 2014, ko Amritsar Court mai join kar liya. Is baar mujhe Amritsar district mai hi Madam Monika Goyal  (Addl. District & Sessions Judge) ke saath kam karne ka moka mila. Jo mere liya ek bahut aacha avsar tha. 

Maine Madam Monika Goyal ke saath 2, 3 months kam kiya aur uske baad mere high court exam ki date a gayi isliye mai Amritsar Court se resign dekar tyari karne ke liye ghar wapis aa geya. 



Chandigarh High Court Exam

2014 mai High Court ki near about 260 posts nikli thi jisme maine bhi apply  kiya tha. Aur jab three months baad High Court ne exam liya to yeh  exam mera bahut bdiya hua tha. Mujhe is paper se poori umeed thi ki mai is baar zarur pass hunga.

Lekin kuch students ko zarur pata hoga ki is result par stay lag geya tha kyunki is exam mai Haryana ke students ka exam nahi liya geya tha uska reason yeh tha ki unke pass Matric Level par Punjabi pass nahi thi. 


Is wajah ke karan result 18 months delay hua aur jab result aya toh usme mera naam nahi aya. Jisse mai bahut Stress ho geya tha. 




Start Punjabi Shorthand [ August 2016]


Ek din maine Facebook.com pe PSSSB ka page dekha us page mai ek ladke ne Punjabi shorthand ka result mention kiya hua tha. Jab maine woh result khol kar dekha toh usme candidates ko jo department allot kiya gaye they use dekh kar mai hairan reh geya tha. Kyunki ab tak maine english ki hi steno ki thi aur isme sirf court mai jane ka hi scope tha. 


Phir maine mann banaya ki mai bhi Punjabi shorthand sikh kar Punjab mai hi kisi department mai job karunga. Aur maine 16 August 2016, ko Punjabi shorthand sikhni shuru kar di thi. 

Punjabi shorthand maine mere ghar ke pass hi sikhni shuru kar di thi. Jinke pass  mai sikhta tha unka naam hai Rajesh Sir. Jo PSPCL mai Personal Assistant (PA) lage huye hai. 

Mere punjabi shorthand shuru karne ke 15 - 20 din baad hi PSSSB ne steno ki posts nikal di thi. Us time mai Sardar Kartar Singh ki Learning book ki only 15 no exercise par tha. Lekin phir bhi maine himmat karke exam fill kiya .

Aur phir Punjab mai 2016-2017 mai elections aa jane ke karan yeh exam delay ho geya aur mujhe Punjabi shorthand krne ka aur time mil geya. 

English steno aane ke karan mai Punjabi shorthand mai 6 months mai hi 80wpm speed par likhne lag geya tha. 


First Attemp in Punjabi Shorthand [ Bhasha Vibhag]

Bhasha-Vigbha-steno
Bhasha Vibhag Certificate

Maine May 2017 mai Bhasha Vibhag ka exam diya aur pass kiya jiska proof aap upar picture mai dekh sakte ho. Yeh paper Bhasha Vibhag job ke liye nahi balki student ki shorthand ko parkhne ke liye har saal leta hai jo maine pass kiya. 


Second Attempt Pass 




Mera main motive PSSSB ka exam pass karna tha lekin uske doran hi July 2017 mai Punjab Agro ki Junior Scale Stenographer ki job ayi thi. Aur maine yeh job apna experience gain karne ke liye fill ki kyunki future mai PSSSB ka exam kabhi bhi aa sakta tha. 

Aur is job ke liye maine Raavi typing bhi sikhi.


Typing sikhne ke 2 months baad hi Punjab Agro ka exam aa geya tha. Meri typing aur steno ki tyari aachi hone ke karan mera yeh paper bahut bdiya hua. 

Uske 15 days baad hi Punjab Agro ka result aya aur mai qualify list mai tha. 

Uske baad maine Punjab Agro Food Corporation mai join kar liya tha jo mere liye ek bahut badi baat hai. Ki mai aaj Junior Scale Stenographer hoon. 





Mera Punjab mai se second rank aya tha jise dekhar mujhe bahut hi zyada khushi huyi. 

Aur inhi sab cheezo ke doran hi hamara PSSSB ke exam ki bhi date aa gayi thi aur us exam ko dene ke liye maine phir se Asses typing sikhi. Aur mera yeh exam bhi bahut bdiya hua jiska result abhi aane mai time hai. 


My All Pass Exams List


  • District Court Amrtisar July 2013
  • District Court Ludhiana July 2013
  • District Court Kapurthala Dec 2013
  • District Court Amrtisar (Again) Dec 2013
  • Science and Technology Department Chandigarh 2013
  • District Court Patiala 2014
  • District Court Amritsar 2014 (Again)
  • District Court Patiala 2015
  • Bhasha Vibhag Patiala 2017
  • Punjab Agro Food Corporation  October 2017
  • PSSSB Pass 6 September 2018

Conclusion





Mai apko bas yehi kehna chahta hoon ki halaat jo bhi ho jaise bhi ho hume himmat kabhi nahi harni chahiye agar aapne yeh soch liya ki hum exam pass nahi kar sakte yeh apki bahut badi bhool hai. Hum koi bhi exam pass kar sakte hai agar hamara goal clear hai. 


Guide For Students

Yahan par mai  aap  sab ko yehi batana chahta hoon ki jo students English ki shorthand karte hai unke liye 99% job only court mai hi hai. 

Aur jo punjabi ki shorthand karte hai woh PSSSB ka exam clear karke Punjab mai kisi bhi department mai unko job mil sakti hai. 

Aur jo Punajbi & English dono shorthand karte hai woh Junior Scale, Senior Scale ki job le sakte hai. 



Apko mere friend Sarbjeet Singh ki story kaisi lagi niche comment karke zarur bataye. Aur apne doston ko bhi share kare jinse unko hosla mil sake. 

24 Comments

  1. Dil Khush ho gya bro eh story read krke. Mein v punjabi steno pursue kr rehan language department sangrur to. Bhut vdia kamm kr rho ho tusi har roj dictations upload krke, hats off to you bro. Keep it up!

    ReplyDelete
    Replies
    1. veere, Language Department Sangrur vich dakhla kime milda ? main v Shorthand krni hai bai ji. Pleaee poora process dss dvo.. main Sangrur jile to hi aa.

      Delete
    2. bro tenu bhasha vibhag jake form bharna pena te +2 base te merit bandi hai, jive jive merit hundi hai us hisaab cir hi merit bandi hai, baki ehy batch kado shuru karde hai tusi bhasha vibhag jake pata karlo...

      Delete
    3. 9888305282 menu phone kr lio 22 ji free ho k

      Delete
    4. Pucho brother hor ki puchna chaunde ho.....

      Delete
  2. sada motive ehi hai ki tusi kde haar na mano..

    ReplyDelete
  3. Sir mai te english ch shorthand kiti te es ch teyari kr rhi aa te district court ch mostly post ad hoc e hndia ne es da mtlb fr mera koi future e nhi hoea es ch jini der high court ch post nhi nikldia 😔😔

    ReplyDelete
    Replies
    1. ਪਹਿਲਾਂ ਬੁੂਟਾ ਲੱਗਦਾ, ਫਿਰ ਹੌਲੀ ਹੌਲੀ ਉਸਦੇ ਫੁੱਲ ਲੱਗਦੇ ਨੇ, ਫਿਰ ਉਹ ਪੇੜ੍ਹ ਬਣਦਾ ਤਾਂ ਜਾ ਕੇ ਮਿੱਠੇ ਫਲ ਦਿੰਦਾ ਹੈ। ਇਸ ਲਈ ਤੁਸੀ ਦਿਲ ਨਾ ਛੱਡੋ, ਸਬਰ ਰੱਖੋ, ਤੁਹਾਡੀ ਇਕ ਦਿਨ ਰੈਗੂਲਰ ਨੌਕਰੀ ਵੀ ਲੱਗ ਜਾਏਗੀ, ਇਸ ਲਈ ਜੋ ਵੀ ਮੌਕਾ ਮਿਲਦਾ ਉਸਨੂੰ ਲੈਣਾ ਸਿੱਖੋ।

      Delete
  4. Is tarah kadi nahi sochi da, hamesah sabar rakhi da, tusi english di tayari kar rhe ho, tusi adhoc te lagke independent ho sakde ho te tuhade ch bahut confidence aa jayega, ki mai koi v paper pass kar sakdi hai court daa.

    English shorthand di post court di regular aangiyan, tusi bas practice rakho, te jehdi post bhari hoyi hai usdi v tayari karde raho... te adhoc paper zarur deke aao, tahanu experience gain hoyega..

    ReplyDelete
  5. Hats Off to you Sir. Thanks for sharing.

    ReplyDelete
  6. https://www.drilers.com/category-list/motivational-stories

    ReplyDelete
  7. Very good Sarbjeet sir very gud. Story 👌👍

    ReplyDelete
  8. अभी भी punjab ki vacancy ke लिए raavi maange te

    ReplyDelete
  9. PSSSB ka exam raavi font mai hoga. or sir please eng and pbi ke preparation ke liye koi schedule bta do

    ReplyDelete
  10. Yes raavi font, baki tusi board toh v pooch skde ho g, schedule ewe hai, daily tusi morning Ajit and tribune karo proper, daily type Karo apni mistake check Karo.. Sham nu English karo....same as above.

    ReplyDelete
  11. Sir maza aa gya story padh ke 2009-2018 da struggle finally job mil gayi Sarbhjeet Paji nu. Shabhash paji. Tusi inspiration ho mere warge students layi. Thanks 🙏

    ReplyDelete

Post a Comment

Previous Post Next Post