Shorthand kya hai yeh ek bahut bda myth ban chuka hai aajkal. Shorthand kya hai aur isko kaise karna hai yeh aaj kal ke kafi youngsters ko pata hi nahi hai. Yakeen mano maine apni life mai aise students bhi dekhe hai jo Shorthand ke exam ko aise hi fill karke paper dene aa jate hai jaise ki typing test ho.
Woh samjte hai ki yeh ek typing hai ya pir time pass bas. Par woh yeh nahi jante ki shorthand ek aisi language hai jisse seekh ke hum apni life mai success ho sakte hai.
Shorthand ko steno & stenographer bhi kehte hai. Apne dekha hoga ki bahut se Govt. Department and Private Sector mai steno hote hai.
Shorthand ko seekh kar hum kisi bhi Govt. Dept mai job le sakte hai bas apko isme continue practice rakhni padegi. Agar apne woh kar liye toh success apke piche bhag ke ayegi. Mere aise bahut se dost hai jo Govt. Sector mai job kar rahe hai.
Pitman (Sir Isaac Pitman)
 |
| Source- Wikipedia |
Shorthand ko banane wale Sir Isaac Pitman and Gregg they. Par sabse pehle shorthand ko Isaac Pitman ne banya hai. Jo ki England ke rehne wale they. In hone apne hard work se ek aisi language bana dali jisne naa toh aaj tak kisi ne suna tha aur naa hi dekha tha.
Pitman ne apni sari life shorthand ko hi samarpit ki hai. Aap yakeen nahi karoge Pitman shorthand ki ab tak 2 Billion books sell ho chuki hai.
Easy to Learn- Aap shorthand ko easily learn kar sakte hai. Isme koi bhi difficulty nahi hai sikhne mai.
Easy to Read- Aap shorthand ko easy read karke transcribe kar sakte hai. Jaise hum koi book read karte hai waise hi same hum shorthand ko read karte hai.
Easy to Write- Yeh bilkul English alphabet ki tarah hi hoti hai. Jaise hum A,B,C,D english mai likhte hai waise hi hum shorthand mai isko symbol mai likhenge.
Gregg ( John Robert Gregg)
 |
| Source- Wikipedia |
John Robert Gregg ne 1888 mai apni pehli shorthand publish ki thi. Yeh shorthand only two paper mai thi jiska naam tha (Light Line Phonography). Phir jab yeh bahut popular ho gayi toh Gregg ne 5 year baad apni book nikali Gregg Shorthand.
Gregg ki jo shorthand Pitman se bilkul different hai aur iske Grammalouge bhi different hai. Aaj ke time mai yeh America mai bahut popular shorthand ban chuki hai.
Gregg Talk About Shorthand- Be Proud that you can record the language in graceful lines and curves.
What is Shorthand
 |
| Writing Shorthand |
Shorthand ko hum sound se likhte hai agar koi dusra insaan hume kuch bolta hai toh use hum shorthand language mai likhenge. Agar kisi ne bola ki. I am going to England toh aap iski underline niche dekh sakte hai maine apko paa kar dikhayi hai.
Hum English, Punjabi & Hindi language ko shorthand mai bahut tezi se likh sakte hai.
Ab mai apko kuch words punjabi shorthand mai likhe dikhata hoon jaise ki ' ਮੈਂ ਭਾਰਤ ਦਾ ਰਹਿਣ ਵਾਲਾ ' aap niche iski underline dekh sakte hai. Jaise hum english mai likhte hai waise hi same hum shorthand ko punjabi mai bhi likh sakte hai. Bas punjabi ki grammalouge alag hote hai.
Grammalouges
Shorthand mai grammalouges ka ek bahut bda role hai. Aap yeh keh sakte hai shorthand ka 80% hissa toh grammalouges hi hai. Agar apko 100% grammalouges yaad hai toh apne socho shorthand cover kar li.
Sir Isaac Pitman ne inn grammalouges ko banaya aur shorthand ko itna easy kar diya ki aap soch bhi nahi sakte ki aisa bhi ho sakta hai. Upar picture mai kuch examples de raha hoon. Jisme A, An, The, With, When, Would, Be, Who hai. Kaise aap sirf ek dot use karke yeh words likh sakte hai.
Phraseography
Phraseography ka shorthand mai ek bahut important role hai. Iska bina hum fast likhna namumkin jaisa hi hai. Agar aap Phraseography mai mahir hai toh aapko speed increase karne mai kabhi problem nahi hogi. Inko hum time saver bhi keh sakte hai.
Isme yeh hota hai ki aap 4 ya 5 words ko ek saath hi ek underline mai likh sakte hai jaise ki May be made, As the case may be, From the date of. Upar aap inki underline dekh sakte hai. Kaise aap bahut hi simple tareeke se likh ke apna time save kar sakte hai.
Speed
Agar speed ki baat ki jaye toh aap shorthand mai practice karke kisi bhi mukaam par paunch sakte ho woh apki mehnat ke upar hai aap shorthand mai kitna hardword kar rahe ho.
Duniya mai aise bahut shorthand speedy writers hai jinki speed 350wpm bhi thi. Aur unhone apne hard work se shorthand ki history ko badal ke rakh diya tha ki koi itni speed par bhi likh saktea hai.
Jobs in Shorthand
Hum shorthand ko seekh kar kon si job le sakte hai yeh sabhi ke mind mai hota hai. Mere bhi tha jab maine shorthand shuru ki thi. Iske baare mai apko details mai batana chahunga.
English steno karke aap niche diye test ko pass karke job le sakte hai Court mai. Maine jitni speed show ki hai apko utne speed mai test pass karna hoga agar aap 80wpm ki speed se test dete hai toh usme 8% mistake maaf hoti hai.
Agar aap Junior scale stenographer ka 100wpm ki speed se test dete hai toh usme bhi 8% galti maaf hogi means (40) mistake maaf
Senior Scale Stenographer mai bhi 100wpm ki speed se test liya jata hai par usme sirf 4% galti maaf hoti hai means (20) mistake.
Reporter Exam mai 135 to 140 ki speed se test hota hai jisme 5% mistake maaf hoti hai.
English Steno Jobs Criteria
- Steno- Typist - 80wpm
- Senior Scale Stenographer- 100wpm
- Judgment Writer- 120wpm
Punjabi Steno Jobs Criteria
- Steno- Typist- 80wpm
- Junior Scale Stenographer- 100wpm Punjabi, English- 50wpm
- Senior Scale Stenographer- 100wpm Punjabi, English- 60wpm
- Reporter- 135-140 wpm
Aap logo ko yeh jankari kaise lagi zarur bataye. Aap niche comment karke shorthand se related kuch bhi puch sakte hai.
Post a Comment